Laimi cu zukhmawm hi kan nunphung ah kan i ruah cang i kan pipu chan in a tutiang a si ko .Mi inn va len tik zong ah tikor rak i hmomh le kuak rak i zual piak lo ah cuna tlinglo bantuk ah ruah a si .
Nungak va len zong ah dawtmi tlangval deuhcu kuak zualpiak i zukter a rak si . Ka dawtmi a si caah a nih cu kuak zu hlahseh tinak in kuak tu kha duhsak a si deuh i kan nunphung pakhat bantuk ah ruah a si thai .
Zukhmom hi zeitluk in dah a thatlo timi cu doctor te nih a kan chimh tuk cang ko i a thatlonak zong tampi kan theih cang nain kan thlah khawhbaklo mi pakhat ah a hung i cang ve cang .
India ram Doctor thiamsang a simi Dr Prakash C. Gupta,( director, Healis- Sekhsaria Institute for Public Health, Mumbai) nih cun khaini a hmawm mi nu hi nudang nak in nulei sinak ah buainak an ngei hrimhrim tiah a chim.
Cun kum 40 chung a tongh a si ah cun nau ngei kho tilo in a um thai kho cang fawn . Cun pa he sex hman duhnak thinlung a tlau ter khawh thai pin ah sex hman tik zong ah a nuamhnak pakhat hmanh thei tilo in a tuah khawh thai fawn tiah a chim . Zukhmom hi pa ca zong ah a thalo nain a hlei in nu ca ah hin tih a rak nung khun tiah a chim .