Zualko,Ram le miphun caah PDF 2 Nunnak A Liam tantak michungkhar Bawipa nih Hnem ko hna seh

Salingyi Peng SAC Ralkap Sakhan Kahdohnak Ah Tualchung Hriamtlai Phu PDF 2 Nunnak A Liam
SAC ralkap hna nih umhmun an khuarnak Salingyi peng Kyatat(ကျားတက်) sakhan kahdohnak ah tualchung hriamtlai phu chungtel 2 an nunnak a liam tiah theih a si.

 

 

SAC ralkap phu chungtel hna le pyosawhti phu hna nih umhmun an khuarnak Kyatat sakhan cu Salingyi le Yesagyo tualchung hriamtlai phu hna nih nizaan October 2 ah an kahdoh hna hi a si.

 

 

“SAC ralkap sakhan cu kan lak khawh ko nain, kanmah lei in minung 2 an nunnak a liam” tiah Salingyi peng tualchung hriamtlai phu chungtel pakhat nih a chim.

 

 

 

Kyatat sakhan lak kahdohnak ah SAC ralkap lei hi fakngai in hliamh an si nain, minung zeizah dah an thih timi bel fiang in theih a si rih lo.Sourcre:People’s Spring.

 

 

Mandalay Ah, Motor An Hlanmi A Khaltu An Thah Hnu Ah Motor An I Zaam Pi, Mandalay ramthen, Maha-aungme(မဟာအောင်မြေ) peng, Mahamaing(မဟာမြိုင်) no.2 sang ah a ummi, Taxi khaltu Ko Pyih cu, pathian biak ah kal dingin taxi an hlan, an kal pah ah a hlangtu lila nih an thah hnu ah, a ruak cu lampi ah an hlonh taak i a motor zong an i kalpi tiah theih a si.

 

 

Cu thil a can cu, October 2 zaan sml 8 hrawngah a si i, Pyikyitakhone(ပြည်ကြီးတံခွန်) peng, Industrial park 128 lam kam ah a ruak cu an hmuh i, Mandalay sii-inn ah an kalpi tiah theih a si.

 

A thimi ruak cu social media ah kan taar i a chungkhar zong kan pehtlaih khawh cang hna tiah khuami hna nih an chim.

 

India, Mizoram ramkulh ah, rithaisi dohnak biatak tein an kalpi cuahmah ko nain nichiar ti awkin palik nih hmunkip ah rithaisi cu an tlaih i, October 1 zong ah, Rupee’s sing 100 renglo man bingrang an tlaih than tiah theih a si.

 

Mizoram, Aizawl khua hmun pakhat ah, Manipur khuami pakhat le Myanmar mi pakhat sinin 148.36 gram a ritmi bingrang, rupee’s sing 124 man kan tlaih tiah Mizoram palik nih an thanh.

 

Cu bingrang he an tlaihmi pahnih hna cu Manipur, Newlandka khua ah a ummi, Thang Za Mun le Chin ramkulh, Tonzang peng, Dar Khaine khua ah a ummi Lian Lam Khu hna an si. Cu hna pahnih cu, Mizoram palik nih a herh ningin hma an lak hna lai tiah theih a si.Credit:Khonumthung