Zualko,Indonesia ram pumpululh chuih ruang buainak ah mi 120 leng thi, 180 hliam tuar,

Nizaan ah khan Indonesia ram nichuah Java ah Arema FC le Persebaya Surebaya phu an chuih i goal 3-2 in Arema FC an sungh caah anmah a ttanh tu mizapi cu certual ah an ttum i an buai.

 

 

Police nih a rannak in an kham hna nain an kham kho hna lo i khat lei phu taanhtu hna zong an rak ttum ve caah buainak a sang chin.
Cu buainak ruangah cun minung 129 an thi i minung 180 hliam an tuar tiah East Java police bawi Nico Afinta nih a langhter.

 

 

A thi mi hna lak ahhin palik minung 2 an i tel. Minung 34 cu certual chungah an thi, a dang tu hi Sizung an phak hnu ah an hliam hma tuar kho lo in an thi hna tiah a langhter chap.

 

 

Russia ram President Putin nih Russia ram a si zungzal cang lai tiah a phuan mi hmun chung in khuapi pakhat cu Ukraine ralkap nih an chuh khawh tthan hna tiah the Moscow Times nih a langhter.

 

Cawn ninga ni ah khan President Putin nih nichuah lei Ukraine ram a lak mi ramkulh 4 cu Russia ram a si zungzal lai tiah a phuan. Cu a phuan mi cu hmaizarh hrawngah Russia Parliament nih fehternak an tuah khawh men tiah zumh a si.

 

Cu bantuk in Russia ram ah a phuan mi ram kulh (region) 4 chung ah pakhat a si mi Donetsk ramkulh i a biapi ngai mi Lyman khuapi cu Ukraine nih an lak khawh tthan cang tiah tichun ah The Moscow Times nih cun a ttial.

 

Russia ralkap he ttangtti phu hna cu Lyman khuapi in hnu ah an pil dih cang tiah Russia Defense Ministry nih cun official in an langhter.

 

Hi kong ahhin Russia he a ttangtti mi Chechen ralkap phu hotu Ramzan nih cun keimah nawl sisehlaw “Lyaman ah a um mi commander pa khi a medal ngah mi ka dawh piak hnga i, a ningzah vialte thisen in va ttawl awk ah rifle meithal he ralhmai ka suan ter hnga” tiah Telegram ah a langhter ve.

 

Hnu a pil cuahmah mi Russia cu a bawmh len mi Chechen ralkap phu hotu Ramzan nih cun nuclear hmannak kongah biatak tein khua a ruah a hau ko cang tiah a langhter chap.