Zualko, maw sual nak ngei lo mi lu zeizat maw aliam rih laimu SAC Ralkap Nih Tualchung Mi 6 An Thah Hna

Mandalay ramthen, Wundwin(ဝမ်းတွင်း) peng Taphan khuami Sit Ngein cu a luancia August 22 ah SAC ralkap nih an rak tlaih i, an thah beh. A chungkhar cu a ruak rak laak ding in thawng an thanh hna kong an chungkhat cingla nih an chim,Sit Ngein le a nu kar ah sivelhnak a chuah caah SAC ralkap nih an rak tlaih i, Wundwin sakhan ah an kalpi. An tukvelh hnu ah a ruak cu a chungkhar nih August 23 ah an va laak, tiah theih a si.

 

Tanintharyi ramthen, Myeik khua ah nizan August 24 zanlei ah cycle in riantuannak in a tinmi mino 3 cu, SAC ralkap nih an kah hna caah 2 an nunnak a liam, tiah tualchung mi hna nih an chim,Mino 3 cu riantuannak in zan sml 7:00 ah an tin lei ah Seiknge le Pyitaw(ဆိပ်ငယ်,ပြည်တော်) hlei karah SAC ralkap nih an kah hna caah mino 2 cu a hmun ah an thi, an hawipa 1 zong hliamhma faak a pu. A nunnak kong ah thingphang a si ko, tiah theih a si.

 

“Riantuannak in a tinmi mino 3 cu, SAC ralkap nih an kah hna caah 2 an nunnak a liam. An hawipa 1 hi nihin August 25 zing ah a nunnak a liam ve. Annih hi PDF zong an si lo, tualchung mi sawhsawh an si ko,” tiah tualchung mi pakhat nih a chim,Cu pin ah Sagaing ramthen, Hpawngpin peng Tanga(သငါ) khua cu, August 23 ah SAC ralkap 80 hrawng nih an khangh caah inn 105 a ciam. Tanga khuami 2 zong SAC ralkap nih an thah hna, tiah tualchung mi hna sin in theih a si.
Photo : Sit Ngein(SAC ralkap nih Wundwin ah an thah mi)
Credit;The Chin Post