Zeiruangah Steven Kha Lung In An Cheh

Pathian nih thluachuahnak tampi a pekmi le ṭhawnnak in a khatmi Steven nih khan mizapi lakah khan a liannganmi khuaruahharnak le hmelchunhnak kha a ser hna. Sihmanhsehlaw mi cheukhat nih amah cu an al; cu hna cu Sal Luat hna pumhnak inn tiah timi i aa pum tawnmi kha an si i cu hna lakah cun Sairin le Alekzandria in a rami Judah mi kha an i tel. Cu hna le Silisia le.

Asia in a rami Judah mi hna nih khan Steven cu bia an hun al. Thlarau nih Steven cu fimnak kha a pek caah bia a chim tikah an tei kho lo. Cucaah mi a cheu kha, “Moses le Pathian a thangchiat hna,” tiah ti dingin biaruk an nawh hna.Cuticun mizapi le upa hna le Phungbia cawnpiaktu saya hna kha an tuai hna. Steven cu an fuh i an tlaih i khawngsil hmaiah an chuahpi.

Cun amah kong i lih a ṭawntu dingah mi kha an luhpi hna. Cu hna nih cun an i thawh i. Hi pa nih hin a thiangmi kan biakinn le Moses phung kha a thangchiat zungzal hna.Cun hi Nazareth khuami Jesuh nih hin biakinn hi a ṭheh dih lai i Moses nih a kan pekmi kan phunglam vialte hi a thlen dih lai, a ti kha kan theih,” tiah an ti. (Lamkaltu 6:8-14) Hi tiangah hin Steven kha lung in.

Cheh awk an hngal rih lo i an chep rih fawn lo. Sual phunphun cu an puh fawn.Sihmanhsehlaw Thiang Thlarau in a khatmi Steven nih khan Pathian orhlei kamah Jesuh a dir ka hmuh a ti ruangah lung in thi lak an chehnaknak cu a si ko. Ruah awk ngai a ummi cu. Steven nih Pathian orhlei kamah Mi Fapa, Jesuh a dir ka hmuh tiah a chimmi kha cheu khat nih Jesuh cu Pathian orhlei kamah a dir kho lo.

Pathian orhlei kamah a dir ka hmuh na timi hi na lih a si tiah an ti i lung in an chehmi a si kho. A ruang cu an tlaih i khawngsil hmaiah an chuahpi i a bia an al len lioah khan Steven bia kha khawngsil pawl nih an theih tikah an thin a khenh hna i a henh in a henh hna. An hacang lawng kha an rial ko. Sihmanhseh lung in an chep rih lo. Steven nih khan van lei khi a hun zoh i.

Pathian sunparnak kha a hmuh i Jesuh cu Pathian orhlei kamah a dir kha a hmuh. Pathian orhlei kamah Mi Fapa a dir kha ka hmuh tiah a timi an duh lo tuk ti a lang. Sihmanhsehlaw Thiang Thlarau in a khatmi Steven nih khan van lei khi a hun zoh i Pathian sunparnak kha a hmuh i Jesuh cu Pathian orhlei kamah a dir kha a hmuh. Aa thawh i, Zohhmanh u, vancung aa hun i.

Pathian orhlei kamah Mi Fapa a dir kha ka hmuh, tiah a ti. Cu bia an theih tikah. Fak piin an au i an kut in an hna kha an i phih i an hei zuanhnawh i khua chung khan lengah an hnuh i lung in an va cheh. Cuti in lung in a cheptu hna nih cun an puan kha, tlangval pakhat a min Saul a simi kehram ah khan an i chiah. Lung in an cheh chih lengmang lioah cun Steven nih.

Bawipa Jesuh, ka thlarau cu nangmah nih cohlang ko, tiin a au.A khuk aa bil i fak piin a au i. Bawipa, hi sualnak hi an cungah khing hlah, tiah a ti i a thi colh. Cun Steven an nawn kha Saul zong cu a hna a tla ve. Lamkaltu 7:55-60 Steven lung in thi lak an chehnak cu Pathian orhlei kamah Mi Fapa, Jesuh a dir ka hmuh tiah a timi an duh lo tuk ruang bikah khan a rak si ko. DSalai K. Biak Lian Thawng.