Zangfah A Um Tukmi Ngakchia Pate

Ngakchia te nih a nu thi  cang  ti a theithiam lo i ka nu, ziah  ka pawngah na ra it lo tin a au. Philippines ram ah mipa ngakchia te hi zangfak um tuk hringhran. Hringtu a nu nih a thih tak i anih nih cun ka nu hi a thi cang tin a theithiam lo. Zing a tho i a pawngah a nu a hmu lo ruangah a khuaruah a har. A nu ruak cu mithi kuang chungah an rak khumh  cang.

A va kal i a ruak kuang cu a tlaih pahbu cun  a nu ruak cu a zoh peng ko. Inn chung lei ah khan chungkhat  hna nih an rak thu I ngai chiat ngai in an rak um. Mipa ngachia te nih cun ka nu ziah ka pawng ah saupi na it lo tin a au. Innchung in a ummi hna nih cun an tuar kho ti lo i an tap hna. Bawipa bia hi a thlum khun. Lileng umkhuahar in kan um caan le.

Ruahchannak kan ngei lo caan ah Bawipa bia hi a thlum khun. Lung rawhnak le lung retheihnak kan ton caan ah Bawipa bia hi a thlum khun. Harsatnak le sunghzatlaknak kan ton caan ah Bawipa bia hi a thlum khun. Kan mitthli a tlak caan le ngaihchiatnak kan ton caan ah Bawipa bia hi a thlum khun. Thihlonak le rawhralnak kan ton caan ah Bawipa bia hi a thlum khun.

A thuk bikmi horkuang chungah kan tlak caan le temhinnak chungah kan um lio caan ah Bawipa bia hi a thlum khun. Ṭhatlonak le sualnak in zungzal thihnak kan ton tikah Bawipa bia hi a thlum khun. athian cu a nungmi asi.  Abia cu a nungmi asi. Abia kam cu a tuah/tling. Na zumh ngam ahcun an deuh lai lo. Bawipa thilti khawhnak na nun ah a lang lai.

Credit – TCP