US um kei ka ule hi Laiholh hmanh a thiammi an si lo tikah khrihfabu nganpi ah an um lio cu aho zong nih an pum le pum lo hmanh an thei hna lo.

Khrihfabu i then khi Laimi tam deuh nih a chiatnak lawngte kan hmuh i kan chim tawn. A thatnak pelte hmanh a um lo ah kan ruah cio. Nain a si thlu lo.,US um kei ka ule hi Laiholh hmanh a thiammi an si lo tikah khrihfabu nganpi ah an um lio cu aho zong nih an pum le pum lo hmanh an thei hna lo. Anmah nak thil ti kho deuh an tam tuk tikah khrihfabu ah an biapi kho lo, an lungthin ah khrihfabu chungkhar kan si ve timi a cam kho lo (they don’t feel they belong there). Mileng kan si rua timi ruahnak an ngei tawn. Thawhlawm kholhtu rian an va tin ve ding hmanh khi ruahchannak a um lo.

 

Yangon i LBC ah mithar pawl kan i pumh tawn bantuk khi a si, uico lo kal khi a lo pahTikah, hawidang bantuk in zapi hmai a chuak ngam ve lomi tampi cu biakinn panh an huam ti lo. Thil ti kho deuh pawl an i porhlawtnak le an thilthar tete an caw-ngia nak va zoh bantuk ah an ruah tawn. Khrihfabu khi ‘kan dihlak kan ta’ tiin an ruat ngam ti lo, thil ti kho deuh pawl ‘an ta’ tiin an ruat. I thlak khawhnak ‘voice kan ngei lo’ tiah an ruah.

 

Nain, bu hme deuh an ser tikah cun minung an tlawm deuh tikah aho poah nih caan an ting ve, an thiam lo buin thlacam hna an thiah hna. Committee tete ah rian an pek ve hna, cutikah ‘kan biakinn, kan khrihfabu a si, keimah lo cun kan khrihfabu a thangcho sual lai lo, biakinn saknak caah phaisa tam deuh ka thawh ve a hau’ timi lungthin an ngei, voikhat pumh tlolh hmanh an siang ti lo. Voice kan ngei ve tiah an ruah. Biakinn ah khrihfabu upa zong ah an thim ve hna tikah an si khawh chung in fel tein um an i zuam. An khrihfabu nih an nun tampi a remh khawh hna.

Khrihfabu nganpi an um lio ah biakinn hmanh a panh huam bal lomi keimah ka ule zong bu hme deuh ah an luh hnu in an nun ai thlen ning ka hmuh tikah bu i then zong hi mawhchiat tuk awk a si lo hi ta, a thathnemnak nganpi a um ve ko tiah ka ruat len.