US nih Afghanistan ram a chuaktak kumkhat a tlin camtuak, nizan August 30 zaan ah Kabul khuapi ah vanlei hoih i

US nih Afghanistan ram a chuaktak kumkhat a tlin camtuak, nizan August 30 zaan ah Kabul khuapi ah vanlei hoih in meiceu puakmi thlahnak in Taliban nih lawmhnak puai an tuah.

 

New York um World Trade Center cu al qaeda ralhrang nih september 11, 2001 ah khan vanlawng in an rak pah caah US nih al qaeda umnak Afghanistan ram cu October thla ah a rak tuk.

 

Taliban hriamtlai nih hin US Ralkap hna cu kum 20 chung an rak tuk hna. 2021 August 30 ahkhan US nih a ralkap cu Afghanistan ramchung in a kirter hna i, US nih a ralkap a kirter Ni August 30 cu Taliban nih Independent Day ah an phuan.

US nih a chuahtak kumkhat tlinnak cu Kabul khuapi lawng si lo in khuapi dangdang hna zong ah mei-alh thlahnak le vanlawng in bomb kahnak hna in an lawmh cio hna. Taliban nih August ni 30 cu Zungkhar ni(Public Holiday) ah a thanh.
Credit;The Chin Post