Ukraine ram thlanglei ah a ummi Zaporizhzhia nuclear power plant cu Russia nih Missile in a kah ruang ah

Ukraine ram thlanglei ah a ummi Zaporizhzhia nuclear power plant cu Russia nih Missile in a kah ruang ah International Atomic Energy Agency(IAEA) nih a ralai mi zarh chung ah va kal in chekhlatnak an tuah lai, tiah Ukraine Ministry of Energy nih a thanh Zaporizhzhia Nuclear Power Plant hi pawngkam ca ah tihnung a si le si lo fiang tein hlathlainak tuah a herh, tiah IAEA hruaitu Rafael Mariano Grossi nih cun a chim tiin Ukraine Ministry of Energy in chimnak nawlngeitu nih a chim.

 

Russia lei nih cun Zaporizhzhia Nuclear Power Plant chekhlatnak ngeih dingmi cu an lungtling i Zaporizhzhia chung ah a ummi Russia ralkap nih hnu kirter ding tu cu a duh lo,Zaporizhzhia Nuclear Power Plant cu March thla lio ah Russia Ralkap nih an rak lak i Ukraine Engineer pawl nih an zohkhenh, tiah theih a si. 1986 kum ah Ukraine ram Chernobyl nuclear power plant a rak puak i harnak fak ngai an rak tong.

 

 

Relchap,British Prime Minister Boris Johnson nih GBP(Pound sterling) 54 million man a si mi raltuknak hriamnam in Ukraine kan bawmh lai, tiah a chim Boris Johnson cu a voi 31 nak Ukraine Independence Ni ah zeihmanh thawngthanhnak tuah hmasa loin Ukraine ram a tlawng i, Kyiv khuapi ah President Volodymyr Zelenskyy he zong tonnak an ngei. A ralai mi thla ah a rian chuahtak ding a si mi PM Boris Johnson cu atu tan Ukraine a tlawn hi a voi thumnak a si cang.

UK nih Ukraine a bawmh ding hriamnam hna cu Raltuknak Drone 2000 le raltuknak Tank a hrawk khotu hriamnam hna an si. Tutan bawmhnak an pek ding mi hriamnam hi Ukraine ralkap pawl nih Russia ralkap an dohnak ah san a tlai ngaimi hriamnam a si lai, tiah UK PM nih cun a chim.

Johnson le Zelenskyy tonnak an ngeih lio ah tukum khuasik caan i Ukraine nih harnak a tuar dingmi kong ceihnak zong an ngei i Boris Johnson nih cun Septe