Ukraine raltuknak ah Russia le China cu kaphnih kar ah pehtlaihnak a tha timi langhternak ah

Ukraine raltuknak ah Russia le China cu kaphnih kar ah pehtlaihnak a tha timi langhternak ah Russia le China cu raltuk cawntinak kan ngei lai, tiah Russia lei nih cun an thanh.

 

Russia nih hruai dingmi Vostok 2022 raltuk cawnnak cu Russia nichuah lei le Japan rili cung ah September 1 in 7 tiang an tuah lai. Hi raktuk cawnnak ah hin Raltuknak vanlawng 140, Raltuknak Tilawng 60 le Ralkap minung 50,000 renglo an i tel lai, tiah Russia Defense Minister nih cun a chim.

 

Hi raltuk cawnnak ah hin Russia, China, India, Laos, Mongolia, Nicaragua le Syria hna pin ah a hlan Soviet Union ramhlun pawl hna zong an i tel lai.

Tu bantuk in Raltuk cawnnak kan tuahmi hi zei bantuk Alliance le rampawl tukduhnak ruang ah kan tuahmi a si lo, hmun khat cawntinak sawhsawh a si, tiah Russia Ramleng Deputy Minister nih ramleng embassy he tonnak an mgeih ah a chim.
Credit;The Chin Post