Ukraine Nih North Korea Phihkharnak A Tuah Ruangah N. Korea Nih A Mawhchiat

Ukraine Nih North Korea Phihkharnak A Tuah Ruangah N. Korea Nih A Mawhchiat!: Russia nih Ukraine ram nichuahlei um Donetsk le Luhansk cu Independent ram ah a phuan mi cu North Korea ram nih a cohlan hnu in Ukraine nih N. Korea he ramhnih i pehtlaihnak cu a phih i, North Korea nih Ukraine cu a mawhchiat tiah theih a si,N. Korea nih Donetsk le Luhansk cu Independent ram ah a cohlan hnu in Ukraine nih July 13 ahkhan ramhnih kar pehtlaihnak cu a rak phih ve.

 

Kan hnu thla ah Russia hawikom a si mi Syria nih Donetsk le Luhansk cu independent ram ah a cohlan hnu in North Korea nih atu bantuk in a cohlan ve,Hi ramkulh pahnih Independent ram ah kan cohlan mi cung ah Ukraine nih North Korea cung ah phihkharnak tuahnak nawl a ngei lo tiah N. Korea Khualipi Pyongyang ministry of foreign affairs zung chimnak nawlngeitu nih a chim, tiah KCNA nih a tial.

 

Ukr**ne Nih North Korea Phihkharnak A Tuah Ruangah N. Korea Nih A Mawhchiat!Russia nih N. Korea sin ah Donetsk le Luhansk cu independent ram ah cohlan piak ding in a nawl tiah Ukraine ramleng minister Dmytro Kuleba nih a chim ve. Donetsk le Luhansk he pehtlaihnak tha kan ser lai, tiah N. Korea nih cun a chim chap.

 


Credit;The Chin Post

SAC Ralkap Nih MimawngKung Khua An Khangh I, khuami 4 An khanghchih Hna!: Sagaing ramthen Yee-U peng, MimawngKung(khua cu SAC ralkap nih July 13 ah an khangh i, tar nu pakhat le midang 3 zong mei nih a kangh in chih hna, tiah theih a si.

Kum 90 hrawng a simi Daw Tan Hti cu SAC ralkap nih inn an khangh lio ah mei chung ah an thlak chih i, khuami 3 cu lam hmuhsaktu ding in an kalpi hna hnu, KanPoah khua an phanh ah mei khangh in thah an si, tiah tualchung hriamtlai phu chungtel pakhat nih a chim. MimawngKung khua cu inn 150 hrawng umnak khua a si i, inn 70 leng a kaang, tiah theih a si.

Mandalay Ah Thongtla Nu Pakhat A Chuahpitu Palik le A Chuahpimi Nu Cu A Himnak Hmun an Phan Cang: Mandalay ramṭhen Mahlaing peng palik sakhan ah phungrelnak 50 in tlaih a tongmi nu, Mah Ei Ma Tanda Aung thonginn chung in a khamhtu/chuahpitu palik Soe Paing cu Mandalay hriamtlai phu nih a himnak hmun ah an kalter cang, tiah theih a si.

 

Mandalay hriamtlai phu sinah palik Soe Paing nih cun CDM tuah a duhnak kong pehtlaihnak a tuah hna hnu ah, thongtla nu pakhat cu a chuahpi i, atu ah cun a himnak hmun ah kalter a si cang, tiah Kings Cobra Guerilla Force nih an thanh,“July 9 zinglei ahkhan

thonginn chung in an zaam i, zaanlei hrawng ah pehtlaihnak an kan tuah. Mandalay ah ni 3 chung an i thup i, nizaan July 14 ah a himnak hmun ah kuat an si cang,” tiah Kings Cobra Guerilla Force in Bu Muai Puai nih a chim.SAC ralkap lei nih, tlaih a tongmi thongtla le palik an zaam nak kong he pehtlai in cathanh an chuahmi a um rih lo