Uar an um kho tuk laimi i mah man tuk muidawh hla sak thiam kan ngeih mi hna cu kan van atha tuk

An thiam taktak an aw nih tha an mui nih aidawh mah miphun nih le an tanh michawnh biak an thiam an tlinh dih ngawt ko thazaang pe hna uh sih kan mah le kan mah kan icawisan lo cun mi nih cun an kan cawi sang duh lai lo mah le mah i upat hnu ah mi nih aw cawisan awktlak an si ti hmuh khawh asi .

 

 

Shan Chak lei KIA battalion 9 Kawng Sak Bum sakhan cu nihin zing in zaanlei tiang vanlawng 2 hmang in fak ngai in SAC ralkap nih bomb an thlak, tiah theih a si. Nihin zing suimilam 8 hrawng in chun suimilam 12 tiang Jet vanlawng in voi 10 bomb an thlak, cu hnu ah zaanlei suimilam 3 hrawng ah Helicopter pakhat in an kah than, tiah tualchungmi pakhat nih a chim.

 

Bomb thlaknak ruang ah phone line zong an phih dih nain atu ah cun a ngah than cang, Jet vanlawng in an kah chel, Helicopter in an kah chel a si. cupinah Nanphetka (နမ်ဖက်ကာ) khua in hriamngan in an kah rih, tiah Nanphetka khuami pakhat nih a chim.

 

Demoso Ah SAC Ralkap Nih Sianginn Pakhat An Kah I, PDF Nih Tualchungmi Bomb Khor An Cawhter Hna!: Kahdohnak a um lo nain, SAC ralkap nih drone hmang in Demoso tualchung mi hna cu an kah hna caah Sianginn le riantuantu hna umnak inn an rawk, tiah Demoso tualchung hriamtlai phu DMO Local PDF nih cathanh an chuah.

Nihin September 7, zinglei suimilam 1:45 hrawng ah Ngwaytaung(ငွေတောင်) hrambunh khah-lah-yiah 102 battalion nih drone hmang in Demoso sianginn lei ah bomh lung 6 hrawng an kah, tiah an langhter.

Cucaah Demoso peng chung um mipi hna le ralzaam mi hna nih mah le umnak ah bomb khor i cawh cio ding in le hriamngan puah thawng, raltuknak vanlawng thawng an theih tikah bomb khorchung ah hmunhma khuar colh ding in PDF nih mipi thawng an thanh hna.

Karenni ram Baw La Khe khuapi peng ah rua sat ding in ramtang ah a kal mi SAC ralhrang pawl cu mizapi ralkap fonh nih an rak kah hna tiah theih a si.

Zing 7 ni sml 8 hrawng ah Baw La Khe khuapi peng ah a um mi SAC ralhrang minung 7 cu ramtang ah an kal, rua an sat ttheu lai tiah kan ruah. Kan kah hna i kan khen lo mi pawl an zaam, a langhlat nawn in kan hei kah tthan hna caah kan khen mi hna na um tiah KNDF nih an langhter.

Hi kahdohnak ah SAC ralhrang lei in minung 3 an thi i minung 2 hliamhma fak an tuar, cun hriamnam zong an chuh khawh fawn hna tiah an langhter chap. Cu ti kahdohnak a chuah hnu ah Baw La Khe khuapi in ralhrang nih cun heh tiah miakpi in an kah hna caah mizapi ralkap cu hnu an pil Hi kahdohnak hi Karenni ram hriamtlai a si mi KA le KNDF fonh nih an va kah mi hna a si.

 

SAC ralhrang bawi Min Aung Hlaing nih Russia sin in Chiti(Diesel) a cawk tiah Russia media pakhat nih a langhter.

Russia ram a tlawng mi Min Aung Hlaing nih cun Russia ser mi Chiti (Petroleum) a cawknak kong le a ruahhlan ah Myanmar a phak chomnak ding kong Russia a cozah media pakhat a si mi RIA Novti sin ah a chim.

“Russia sin in kan cawk mi Chiti cu tluang tein kuat a si cang. Ni tlawmpal chung ah a voikhatnak chiti (Diesel) kan cawk mi cu a phan cang lai”

Min Aung HLaing nih hin Chiti a cawk mi man hi US dollar in siloin Russia phaisa Ruble in kan pek lai tiah a chim. Cucu kan caah a fawi deuh, phaisa dang (tch. US dollar tbk..) cu phihkharnak ruangah kan caah a buai thlah tiah a chim.

 

“Russia nih a cohlan mi phaisa in kan pek colh ko hna lai. Kan mah caah a fawi deuh ving, a ruang cu phaisa kuat le lak kongkau ah phihkharnak tamtuk a um ee” tiah a chim chap.

Russia nih a Chiti zuarnak ding lam tampi a dah lio ah hi bantuk in Myanmar nih Chiti a rak cawk hi a si.

Tutan Min Aung Hlaing Russia ram a tlawn cu ram pi cal deuh nih an hnawl mi President Putin he tonnak a ngei kho cang. Min Aung Hlaing hi the 7th Eastern Economic Forum 2022 meeting kai ding in Russai ram a tlawng mi a si.Credit;suimilam Net