U Soe Myint (50) cu SAC ralkap nih an thaih i a ruak cu an hlawnh,

Tanintharyi ramthen,Dawei peng ah U Soe Myint (50) cu SAC ralkap nih nizaan zaan ah an tlaih hnu ah an velh i meithel in an kah that tiah theih a si.Dawei peng,Bum Maw sang ah a um mi U Soe Myint cu zaan sml 10 hrawng ah an va tlaih hnu zaan sml 11 hrawng ah Dawei-Zaha lampi,Pulukone khua hlei lawnh lam kam ah an hlawnh mi ruak cu khua mi pawl nih an hmuh tiah theih a si.

 

Khua mi pakhat nih “ka hmunh mi cu meithel in an kah nak a si.Zing sml 6 hrawng ah zatlang nunphung bawmhnak phu mawtaw in siizung ah an kal pi “ tiah a chim.U Soe Myint a nunnak a liamnak he peh tlai in a chung lei pawl nih zing sml 7 hrawng long ah an thiah tiah theih a si.A luan cia June 26 lio zong ah SAC ralkap nih Dawei pengkomh,Lawnglung peng,Kadetgyi khua mi U Taung Win (60) le a nu pi an tlaih hna i an thah hna leng ah Goin khua mi U San Win (50) cu a inn hmai ah meithel in an kah that tiah theih a si.(Crd.The Irrawaddy-Burmese Edition)

 

MDY-PDF Sin Ah Mipi Nih Bawmhnak An Pekmi Phaisa Cu PDF Nih An Phawtzamh! Mipi nih hriamtlaitu hna sin i bawmhnak an pekmi phaisa cu hriamtlai phu hna sin ah kan phawtzamh khawh cang, tiah Mandalay tualchung hriamtlai phu MDY-PDF nih nihin August 5 ah cathanh an chuah.MDY-PDF hna sin ah mipi nih bawmhnak pekmi phaisa cu thlafatin kan pek khawh hna nak hi thla hnih a si cang, ralkap pakhat sin ah Ks 10,000 in kan pek hna, tiah an langhter.“

 

Ralkap dihlak sin ah phawtzamh a si caah a phaisa fang in cun a tlawm ko nain, mipi sin in a lutmi phaisa a si caah mizapi le PDF kar dohthlennak ding i dawtnak a luangmi a si” tiah MDY-PDF nih an langhter.Mipi lei zong nih nan pekchanhmi phaisa cu PDF kut cung i a phanh nan hmuh tik ah nan i lungsi cio ko lai. PDF lei zong nih kan hnu lei in mizapi nih an kan tanpi i, an kan dirpi ti kan theih caah kan lungthin a nuam tuk, ti in cathanh an chuah.

 

Chaung U Ah SAC Ralkap Zulhmi Motor Pakhat Cu PDF Nih Bomb An Puahhnawh I, Ralkap 2 An Thi: Sagaing ramThen, Chaung U in Nissan Note motor he a chuakmi SAC ralkap 8 cu nihin August 5, chun suimilam 12:30 hrawng ah Hlaittapiat Sun Ngyopah-kah-phah phu nih bomb an puahhnawh hna caah SAC ralkap 2 an thi, tiah Hlaittapiat Sun Ngyo pah-kah-phah phu chungtel pakhat nih a chim.

 

“Nihin August 5, chun suimilam 12:10 hrawng ah Chaung U in Note motor ah a cuangmi SAC ralkap 8 an um tiah thawng kan theih caah, Natyekan khua le Gwaypintaw khua kar ah bomb lung hnih kan puahhnawh hna i, SAC ralkap 2 an thi, pakhat cu fak ngai in hliamhma a tuar,” tiah Hlaittapiat Sun Ngyo pah-kah-phah phu chungtel pakhat nih a chim.

Crredit;The Chin post