Tuzan lei Chinland suimilam 5pm ah rual uu thlanmual cung bo um, ralhrang hna cu, kan ralkap le nih an va kah hna i r

Tuzan lei Chinland suimilam 5pm ah rual uu thlanmual cung bo um, ralhrang hna cu, kan ralkap le nih an va kah hna i ralhrang 3 hell ramah an kuat hna, aa hliammi zong an um tiah theih si i, kan ralkap an him dih Credit; Salai William HC.

 

Relchap,Sagaing ramthen, Monywa peng Nyaunghpyupin palik sakhan cu a naih tein kan kahdoh i, SAC ralkap 5 nak tlawm lo an thi, tiah Myanmar Royal Dragon Army(MRDA) nih cathanh an chuah,Nihin August 21, chunhnu suimilam 11:48 hrawng ah Monywa peng Nyaunghpyupin palik sakhan cu MRDA Salingyi( le Aung San Force phufonh nih an kahdoh hna, tiah theih a si. Motor in sakhan hmai tiang kan kal i, naih tein kan kah hna. Cu kahdohnak ah cun SAC ralkap le palik 5 kan thah hna, tiah an thanhmi ah cun an langhter.

 

 

Kahdohnak ah cun Salingyi hrambunh MRDA in ralkap 2 hliamhma an tuar nain an hliamhma kong ah thinphan ding a um lo. Kuan bawm 3 zong kan thlau, tiah MRDA nih an langhter,Monywa Khuachung Ah SAC Ralkap Bomb Puahhnawh An Tong I, Ralkap 6 An Thi: Sagaing ramthen, Monywa khuachung Bu Tae Zah le Nguwa lamtonnak ah an hmanhmi bomb thianh ding in a ra mi SAC ralkap pawl cu bomb puahhnawh an ton caah ralkap 6 an thi, tiah theih a si. Cu bomb puahnak cu August 20 zaanlei sumilam 5 hrawng ah Monywa Nat Soe phu, Monywa pah kah phah phu le MPDF hna fonh in an tuahmi si, tiah theih a si.

 

“Bu Tae Zah lam le Nguwa lamtonnak ah PDF nih an hmanhmi bomb thianh ding in mawtaw pathum he a rami palik le SAC ralkap pawl cu bomb kan puahhnawh hna i ralkap 6 an thih lengah tam ngai hliamhma an tuar. Bomb puah hnu ah an kan kah ve nain hliamtuar um lo tein hnu kan tolh than,” tiah Monywa Nat Soe phu in tuanvo ngeitu pakhat nih a chim.

Bilin Peng Ah PDF Mincazin Lak Ding In SAC Nih Khuabawi An Fial Hna: Mon ramkulh, Bilin peng ah PDF ralkap hna mincazin lak ding in SAC ralkap nih palik le khuabawi hna cu an fial hna, tiah ralkap he naihniam mi hna sin in theih a si,A luancia caan ah Bilin peng palik le khuabawi hna cu SAC ralkap nih an auh hna i PDF chungtel mincazin lak ding le khuachung an luh caan hna thawng thanh ding in an chimh hna, tiah theih a si.