Tuhi Timit lei in voi 5 tluk a puak cang kan mpi ralkap hliam hma an tuar lo nak hnga thlacam piak hna uh sih Bawipa thawngin kan ralkap hna nih

Tuhi Timit lei in voi 5 tluk a puak cang kan mpi ralkap hliam hma an tuar lo nak hnga thlacam piak hna uh sih Bawipa thawngin kan ralkap hna nih an kham khawh hna an thil tuah ding mi ah tlam atlin khawh lo nak dingin thazaang an chuah khawh hi hnu zawngah an chuah chinchin khawh nak hnga thla za campiak chinchin ko hna uh sih,

 

 

Thawngpangdang,United Nations Special Envoy on Myanmar Noeleen Heyzer cu nihin August 16 zinglei ah Yangon a phan, tiah theih a si. Noeleen Heyzer cu thaizing August 17 ah Nay Pyi Taw ah SAC tuanvo ngeitu hna he tonnak an ngei lai, tiah SAC chimnak nawlngeitu General Zaw Min Thun nih a chim.

 

 

UN nih Noeleen Heyzer khualtlawnnak kong cathanh a chuahmi ah cun Myanmar zatlang bu hna le ṭuanvo ngeitu hna he tonnak a ngei lai, tiah a thanh i, SAC he tonnak an ngeih khawh in zei bantuk bu dang he tonnak a ngeih rih lai cu SAC lei nih an thanhmi a um rih lo.

Noeleen Heyzer cu nikum October thla in Myanmar ram buainak tawlreltu ding ah rian khinh a si i atu hi a voikhatnak Myanmar a phak a si. SAC he tonnak a ngeih ding mi hi UN Security Council nih a hnu bik SAC sin ah halnak a tuahmi, Hramhram tuah sernak vialte ngol ding le harnak a tong cuahmah lio mi mizapi hna bawmhnak pek khawh ding kong an i ceih lai, tiah UN nih cun a thanh.

Noeleen Heyzer Myanmar a tlawn cu SAC cohlannak a si sual nakhnga lo a biapi ngai. ASEAN palai zong nih voihnih khengte a rak rathnawh hna nain zei hmanh that lei a panh lo mi hi an i zohchun awk a si, tiah NUG Ministry of Foreign Affairs Deputy Minister U Meo Zaw Oo nih cun a chim ve.
Credit;The Chin Post