Tualchung Mi 19 Thah An Tong

Sagaing ramṭhen, Shwebo, Butalin, Khin U peng pathum in May 2, nikhat chung lawng ah SAC ralkap le pyosawtee phufonh nih tualchung mi 19 an thah hna, tiah tualchung mi nih an chim. Shwebo peng, Seihkhun(ဆိပ်ခွန်) khua ah minung 3, Naung Pin Thar(ညောင်ပင်သာp khua ah minung 6, Butallin peng Oakphu(အုပ်ဖို) khua ah minung 9,

Khin U peng Inpat(အင်းပါတ်) khua ah 1, an dihlak 19 thah an tong, tiah an chim. Thah a tong mi hna hi SAC ralkap ṭih ah phungki sianginn ah aa thup mi an si, tiah theih a si. Butalin peng, Oakphu khua i thah a tong mi hna cu kum 75 a si cang mi U Khin Sawng(ဉီးခင်ဆောင်),U Bu Tin(ဉီးဘိုတင်) kum 77, U Win Maung kum 70, U Pho Seih kum 48,

U Soe kum 46, U Ni kum 40, Ko Be Da(ကိုဗေဒါ) kum 37,Ko Kyaw Myo Tun kum 35 le Ma Moe Moe Khine kum 23 an si. Thah an ton ni ah cun Shwebo peng Seihkhun le Ziphyokune khua pawng ah SAC ralkap le PDF an i kap i, SAC ralkap nih hriamngan an kah ruang ah khua mi 3 an nunnak a liam i, 6 hliamhma an tuar tiah tualchung mi nih an chim.

April 30 ah tlaih a tong mi khua mi 2 cu nihin May 4 tiang an thawng hlat khawh an si rih lo. Sagaing ramṭhen peng 3 ah thah a tong mi hna kong he pehtlai in General(ဗိုလ်ချုပ်) Zaw Min Htun cu RFA nih bia an hal nain a bialehnak hmuh ding le theih ding a um rih lo.

SAC nih tualchung mipi vengtu ralkap an tei hna lo caah sualnak ngei lo mipi tu an tlaih hna i an thah hna, tiah Butalin peng NLD pallai U Aung Kyaw nih a chim. Tualchung minung an hrem hna i an thah hna ruang ah nitin ngawt in doh an si, tiah a chim fawn. SAC ralkap nih rallam an sialnak ah bomb puah hnawh an ton poh ah an kiangkap khua an khangh, tiah tualchung mi nih an chim. May 2 zong ah khan Khin U peng Inpat khua inn 300 leng an khangh i kum 40 tluk a si mi Ko Naing U zong an thah. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum