Tu Liozam Dir Hmun

Mizoram ah a zaam mi Chin Ralzaam hna COVID-19 zawtnak an check. September 15. Myanmar ram tualchung buainak ruang ah Mizoram chung ah a zaam mi Chin Ralzaam hna cu Mizoram chung Ngandamnak lei rian ngei hna nih 2021 September 14 ahkhan COVID-19 zawtnak cheknak an ngeih hna tiah thawng kan theih. COVID-19 zawtnak chek mi hna hi a tam deuh cu Tio kam.

Bungkhua lei in a lut mi hna an si i, Hnahthial District Hospital rian ngei hna nih an chek hna. An chek mi hna hi nihin September 15 tiang ahcun zawtnak an ngeih le ngeih lo aa fiang rih lo. Mizoram ah a zaam mi Chin Ralzam a tam deuh hi cu Thantlang Peng chung kahdohnak a chuah hnu I a zaam deuh mi an si. A zaam mi dihlak hna hi an zaamnak khua nih camp an serpiak hna i, eidin lei siseh.

Thuttonak siseh khuami nih a dihlak in an tawlrelpiak hna tiah kan theih. Kahdohnak ruang ah Mizoram lei a zaam mi hi nifatin in an um i, ralzaam a lut mi minung zat dikthlir in thanh khawh a si rih lo. A dang deuh relchap. Sii cawk ah a kal mi Pu Hrin Cung le a hawi Thantlang SAC mithat phu nih an velh hna. 2021 September 15 Chin Ramkulh.

Zophei Peng, Khuabung khua in Thantlang khuapi chung ah sii cawk ding in a kalmi Pu Hrin Cung le a hawile hna cu SAC nih an velh hna tiah thawng kan theih. Hi kong he pehtlai in thil um tuning a thei tu pakhat nih, “Khuabung in Thantlang ah sii cawk ding in an kal. Thantlang khuachung an phanh ah SAC nih phone an chek hna an hmuh. Pu Hrin Cung hi.

A hawile pahnih he an si. An hawi pakhat hi phone chek ding in an dirter lio ah dir loin a zaam i meithal in an kah. Pu Hrin Cung hi an velh hnu ah an thlah than,” tiah The Hakha Post ah a chim. SAC nih atu bantuk in an tuahto hna hnu an hawipa pakhat konglam an thei kho rih lo. Mizoram ah a zaam mi Chin Ralzam a tam deuh hi cu Thantlang Peng chung kahdohnak a chuah hnu I a zaam deuh mi an si.  The Hakha Post.