Tlangcung Hriamtlai Phu 5 An Kai Lai

SAC ralhrang Min Aung Hlaing nih sawm mi daihnak tonbiaruahnak puai cu kahdoh daihnak phu (10) in dirh mi, ram daihnak lei lam hruaitu phu (PPST) in phu (5) le NDAA hna cu an kai lai tiah theih a si. Mah daihnak sawmnak kong he pehtlaih in May hla ni 6 ah ton biatuahnak an ngei hna , an mah le phu cio in ruahnak an peek cio nak kong PPST in chimnawl ngeitu Bohmugyi Saw Kyaw Ngunt nih CNI ah a chim.

” Ni zaan ah tonbiaruahnak ah kan thu mi caan ah PPST nih ruahnak a peek mi phu 5 an um, a tnag mi phu hnih hna nih an mah i centre ah ceihmainak tuahthan ding a um an ti i, ruahnak a pee kho lo mi phu khat an um, Cun phu khat nih an mah phu sining a tu lio harnak in a tu sawmmi ceihmainak puai kai ding lam kan ngei lo an ti i ruahnak peek mi phu khta an um.” tiah a chim.

SAC ralhrang nih sammi daihnak tonbiaruahnak a kai hnga ding PPST phu chungtel hriamtlai phu pawl in DKBA, ALP, KNU-KNLA (PC), PNLO, MNSP hna hi SAC ralhrang nih sawmmi diahnak  tonbiaruahnak ceihhmainak ah a kai hnga ding an si tiah theih a si. Cun FPNCC, NDAA- Mongla phu, FPNCC , NDAA hna nih mah sawmnak ah an kai nak lon ding cu NDAA in U Kyi Myint nih CNI ah a chim.

” Kan mah lei nih ramkhel kong pawl cu ramkhel in ceihhmainak ngeih a si lai i capuai cungah ceihmainak kai a si lai caah buaktlak in ceihmainak kan ngei. Mah ti a si ah cun kan mah lei cu ka kai lai lo.” tiah a chim. UWSA in U Ngi Zam nih ‘” Kan mah center lei in zeibia an chim mi hmanh kan theih kho rih lo. Kan nih phu cu theih bantuk hi kan si ko. A tu tiang ah ceihmainak kan ngei lio, kan i ruahchunh lio a si.” tiah a chim.

Ram daihnak lam ah a tel mi cheukhat phu hnanih cun UWSA phu cu mah sawmnak ah an kai ko lai tiah theih a si. KNU, ABSDF , KNPP , CNF hna cu SAC ralhrang nih daihank sawmnak ah a sawm hna lo tiah mi cheukhta sin in theih a si i, Cun thlang lei unau hoikom  hraimtlai phu 3 hna cu an kai lai lo tiah theih a si. Crd – AC

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum