Titoih Puai Nikhatnak Ah SAC Ralkap 5 An Kahthah Hna

Htilin YDF Nih Titoih Puai Nikhatnak Ah SAC Ralkap 5 An Kahthah Hna. Magway ramtthen , YDF-Htilin nih nizaan April 13, titoih puai nikhatnak ni ah SAC ralkap hna cu an kah hna tiah theih a si. Htilin khuahriang ah ummi SAC ralkap nih security an hngahnak hmun meithat zung cu kah ding ah Htilin-YDF nih an helhum hna lio ah an pawngkam ummi Commission zungah nuamhnak tuah ah a kalmi SAC ralbawi bo 3 Bu Nay Lin Aung, a kuttang mi 2 le dalan hna cu an kah hna i 3 an thi 2 hliam an tuar, ralbawi bo 3 cu a phei hliamhma he a zaam.

Kahdohnak ngol a si hnu Htilin-YDF hnu an tolh ah an hnu in a zuldawi tu SAC ralkap hna cu a thli in kahdoh an ton than caah SAC ralkap 2 an thi than. Cu hnu ah Htilin-YDF nih SAC ralkap umhmun an khuarnak meithat zung cu bomb in an kah hna, cu kahdohnak ah cun a thimi le hliamtuar an umlai tiah zumh a si nain a thimi le hliamtuar kong ah fehternak kan tuahkho rihlo tiah Htilin-YDF nih an thanh. Nizaan April 13, titoih puai nikhatnak kahdohnak ah YDF-Htilin lei hliamtuarmi an umlo tiah theih a si. Crd – TCP

Rel chap – ┬áKum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum