Timit hlei a rawh hnu in SAC ralkap hna nih Hakha le Thantlang kar pehtlaihnak an tuah khawhlonak a sau ngai cang.

 

Chin ramkulh, Hakha-Thantlang lampi ah a ummi Timit tiva hlei cu remh than ding in, SAC ralkap pawl cu an i zuam len nain remh an timnak thla khat le cheu hrawng tiang ah an remh kho rih lo SAC ralkap nih Timit tiva hlei remh than an timh ruang ah le, Thantlang camp thazaang chap an timhnak ah lampi ah kahdohnak tuah. Timit lam hi Hakha le Thantlang kar pehtlaihnak ah hman bik mi lampi a si caah Timit hlei a rawh hnu in SAC ralkap hna nih Hakha le Thantlang kar pehtlaihnak an tuah khawhlonak a sau ngai cang.

 

Timit hlei remhnak ding ca ah thilri phortu motor 27 cu June 29 ah Kalaymyo in an rak chuak nain, lampi ah tualchung ralkap hna nih voi tampi an kahdoh hna. Timit hlei pawng ah hin Chin ralkap; CNA, CDF-Zophei, CDF-Hakha, CDF-Thantlang, CDF-Lautu, CDF-Mara le CJDC phufonh nih an kahdoh hna i, SAC ralkap lei fak ngai in an hliamh hna, tiah theih a si.

 

SAC ralkap hna nih 2021 ah Thantlang khuapi cu an rak khangh i, kahdohnak ruang ah Hakha le Thantlang pehtlaihnak lampi Timit hlei cu tualchung hriamtlai phu nih an rak hrawh. Chin ralkap hna nih Timit hlei an rak hrawh lio ah cun hlei kap khat lei lawng a rak rawk i, 2022, July 28 ah tualchung hriamtlai phu nih a voi hnihnak an hrawh than caah Timit hlei cu kap hnih in a cim, tiah theih a si.

 

 

Relchap,Nawlngeitu pakhat nih, “Uknak laak hnu kum 2022 hnu in ramdang kalmi hi nifatin ti awk in an kal. Yangon lei motor kal aa thawh ah ramdang kal aa timmi hi voi khat ah minung 40-50 kar an phan. Uknak laak hnu in nihin August 16 tiang ah ramdang a kalmi hi minung 600-700 kar hrawng an si cang lai,” tiah The Chin Post ah a chim.

Ramdang a kalmi hna lak ah Mie peng, Senthang peng le Zokhua peng hi a tam bikmi an si. Zotung lei zong hi an tam ngai. Motor lehhmah a dih zong ah an kan nawl i kan tenh piak hna, tiah a chim chap.

Uknak laak hnu in Ramdang le Yangon lei kal aa thawhmi hi SAC ralkap nih minung 10 hrawng an tlaih cang hna. An phone chung ah dohthlennak he aa pehtlaimi an hmuh caah an tlaih hna. Cu chung ah nu 4 hrawng an i tel ve, tiah theih a si.

Hakha-Yangon motor man hi minung pakhat ah sing 1 a dih. Tuan deuh ah khan Gangaw lei lam a awn lo caah Hakha-Kalay-Yangon tiah an rak kal. Atu cu lam a awn cang caah Gangaw lam lei in khualtlawng mi an kal cang, tiah theih a si.

Creditt;The Chin Post