ThlichiaA Hran Ruang Ah Ralzaam Inn 200 Leng A Rawk

Rakhine ramkulh ah April 20 zing ah thlichia fak ngai in a hrang i ralzaam camp ah inn tampi an rawk i, inn 200 leng cu umnak ṭha ti lo in an rawk, tiah Rakhine Ethnics Congress (REC) cazin ning in theih a si. Kyauktaw (ကျောက်တော်), Myoh Oo(မြောက်ဉီး), Yetehtaung(ရသေ့တောင်), Butitaung(ဘူးသီးတောင်) peng hna ah ralzaam camp 40 in mipi umnak inn 200 hrawng hi an rawk.

Kyauktaw(ကျောက်တော) peng Ngaung Chaung camp ah cun ralzaam inn 500 leng inncung cih an rawh caah chikhat cu a si can ning poh in an um chung, tiah camp i rianngeitu U Tan Aye (ဉီးဉီသန်အေး) nih RFA ah a chim. Ngaung Chaung(ညောင်ချောင်း) ralzaam camp ah hin ralzaam chungkhar 600 leng; a milu in 3000 hrawng an i dor lio.

Cun, Myoh Oo peng Mya Tan Sawng(မြတန်ဆောင်း) ralzaam camp zong ah thlichia achran ruangah inn 186 a rawk, tiah rianngeitu Ma Ni Lar Taan (မနီလာသန်း) nih a chim. “Mipi umnak buk 43 cu umnak ṭha lo in an rawk i a dang 143 cu a cungkhuh an rawk hna. Ralzaam hna cu sianginn ah an i dor chung,” tiah a chim. Mya Tan Sawng ralzaam camp ah hin chungkhar 260 leng, milu 1000 hrawng an i dor.

Ralzaam camp hi rua,  tarpaulin le mau in chikhat um chungnak ding caah sak mi a si i, an hlankan tein an rak rawk pah cang hna, tiah theih a si. Fur a tlak hlan ah a rannak in remhpiak an hau, tiah rianngeitu hna nih an chim. Rakhine ram chung ah SAC ralkap le AA kar kahdohnak ruangah ralzaam dirhmun a phan mi minung 6,00,000 leng an um, tiah REC cazin ning in theih a si. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum