Thil Caw Ding In A Chuakmi Palik 3 Cu PDF Nih An Kah Hna i Palik 2 An Thi

Gangaw Ah Thil Caw Ding In A Chuakmi Palik 3 Cu PDF Nih An Kah Hna I, Palik 2 An Thi: Magwe ramthen, Gangaw peng Min khua palik sakhan in thil cawk ding ah a chuakmi palik 3 cu lampi ah rak bawh in kan kahdoh hna, tiah PDF-Gangaw(thlanglei) chungtel pakhat nih a chim. Nizaan July 30, chun suimilam 12:30 hrawng ahkhan palik 3 cu PDF nih an kah hna i, palik 2 cu an thi nain pakhat cu kuan hliamhma he a zaam, tiah theih a si.

“An thutnak dawr chung ah kutser bomb 40 mm kan chehhnawh hna hnu ah kan kah hna. Auto meithal kan ngeih rih lo caah 40mm kutser bomb lung khat, 380 pistol pakhat le rifile pakhat he kan kah hna,” tiah PDF-Gangaw chungtel pakhat nih a chim. Palik sakhan lei nih cun minung 1 lawng a thi tiah thawng an thanh nain, kanmah PDF lei nih palik 2 ruak cu kan hmuh caah a thimi cu 2 an si tiah kan fehter, tiin PDF lei nih an chim.

Monkeypox Zawtnak Ruangah Ah A Thi Mi An Um than Lengah Zawtnak A Ngei An Karh Chin Lengmang!: Spain le Brazil ram ah monkeypox zawtnak ruangah naite ah khan a an thi mi an um than i, Sapin i a thi hi Europe ram chung ah a voikhatnak a si, tiah theih a si. Spain ramchung ah zawtnak aa chawnh mi cu minung 3750 an um cang i cuchungah minung 120 cu siizung a phan, tiah Spain Ministry of Health nih an thanh.

Monkeypox zawtnak cu ngandamnak lei ah thinphang le zohkhenh hau zawtnak a si, tiah World Hlealth Organization(WHO) nih kan hnulei thla ah thawng a rak thanh cang bantuk in vawilei cung pumpi ah zawtnak aa chawnh mi minung 21,148 an um cang.

Credit;The Chin Post