The Chin Post Hi Laimi caah atha ngai ngai mi asi zei tin dah ai awt A Konglam Tlawmpal,

The Chin Post cu ram a buai hnuin Mizoram khuapi Aizawl ah hrambunh in nikhat voihnih muilang thawngchimnak kan ngei peng. Atu tiangah thlahhlawh pek in caantling rianTuantu 11 kan ngei hna. Aizawl ah 5, Sangau ah 1 an um. Cun Camp Victoria ah pahnih chiah kan timh hna i a rauh hlanah an kal cang lai. Hmundang ah a ummi zong an um!

Kan hnulei ah kan rak thanh cang bangin US ah TCP Dirkamhtu Committee kan ser cang. Cun naite ah US lei thawngpang le thildang dang ah a kan bawmtu ding TCP Team USA zong kan ser cang i cu hna cu Indianapolis ah a ummi Abisak Van Hnem Sui, Lily Shwe, Florin le Lian Hnin Thang hna an si.

Camp Victoria ah rianTuantu kan chiah hnanak a ruang cu CNF/A le CDF hna he Tha tein pehtlaihnak tuah i mipi nih theih awk a Thami an thawngpang tling tein Tial le chim khawh nakdingah a si. Cun Camp in Weekly Journal chuah kan i tim. Journal chuah ding hi Thantlang peng Internet a ngah lonak i a ummi khua hna nih kan chuahpiak kho ulaw a Tha tiah an kan ti caah chuah kan i timhmi a si. Ralzam hna umnak, kan miphun ralkap hna umnak le khuakip ah ramleng lei in man fawitein hlut khawh a si lai.

Ram buai lio a si caah ramchung hmunkip ah thawnglatu kan chia kho hna lo. Cucaah tualchung thawng he pehtlai in mipi bawmhnak le Tanpinak kan herh tuk hringhran. Na pawngkam ah a cangmi zeibantuk thawngpang paoh pek khawh peng kan si. Na kan pekmi thawngpang zoh in retheih man zong kan in tuah hna lai. Hmanthlak le video hna aa tel ahcun remtheih man a sang lai.

Kan page The Chin Post le The Chin Post TV ah khin thawngthanh khawh peng kan si ko. Atu tiang kan rianRTuannak ah chambaunak tampi kan ngei ko, kau deuh le tlamting deuh in rianTuan kan i zuam cuahmah ko. Mipi zong nih nanmah le ti khawhnak zawn cio in kan dirkamh ve hram u tiah kan in sawm hna.,Salai CP Lian CEOAugust 1, 2022Note: A tanglei hmanthlak hi TCP Team, USA an si!
Credit;The Chin Post