Thawngthar: Ralhrang Pawl Nih An Duh Bang An Zun Colh Lai Tiah PDF Pasaltha Nih Cathanh An Tuah Colh Ve

Yangon Ah Lamzawhmi Hna cung Ralhrang Thiltuah Mi Fakpi In Lehrulh Lai Tiah PDF Nih Cathanh An ChuahNihin December 5, Yangon ah lamzawhnak tuahmi mino hna cu motor in an pah hna, meithal in an kah hna, ralhrang phu nih hramhram in an thil tuahmi cu lehrulh kan cham lai tiah Yangon ramthen PDF nih cathanh an chuah.

Yangon ramthen Gyimintai (ကြည့်မြင်တိုင်) peng Panpingyi(ပန်းပင်ကြီး) lamcung ah nihin December 5, zinglei suimilam 8:00 hrawngah ralhrang uk duhlo in daiten lamzawhnak a tuahtu mino hna cu ralhrang phu hna nih minung ruahnak ngeilo tiang in hramhram in motor he an pah hna, meithal in an kah hna caah lamzawhnak ah a kalmi mino cheukhat an nunnak a liam, cun cheukhat cu hliamhma an tuar.

Cu hliamhma tuar mi hna cu sii thlopbul nak nawl pek duhlo in rallam sialnak hmunah an kalpi hnatiah theih a si. Cu thil cangmi kong ah kan thinlung a faktuk tiah PDF nih an cathanh chungah cun an langhter.

Hriam tlailo in daiten lamzawhnak a tuahmi mipi hna cungah minung ruahnak ngeilo tiangin hramhram thilsual an tuah mi cungah nawlngeitu le nawlchuahtu ralhrang phu le ralhrang kuttang riantuan tu hna, ralhrang riantuannak ah bawmhchanhnak a tuahtu hna dihlak cu fakpi in lehrulh cham nak kan tuah lai, dothlennak ding caah a tunak in fakdeuh cawlcanghnak kan tuah lai tiah Yangon ramthen PDF phu nih cathanh an chuah. Ref: TCP

Relchap: Ralhrang Mawṭaw Nih Lamzawhtu Mizapi A Pah Hna I Minung 5 An ThiDec 5, tuzing suimilam 8 hrawngah Rangoon khuapi Kyih Min Daing peng chung i Pann Pyin Gyi lampi zulh in lam a zawhmi mizapi hna cu ralhrang mawṭaw pakhat nih rang taktak in a pah hna i minung 5 an thi, meithal hliamtuarmi 8 le tlaihkhih a tongmi 10 hrawng an si tiah lamzawhnak ah aa tel ve mi pakhat nih BBC ah a chim.

Lamzawhnak ah aa tel i hliam a tuarmi hna cu ralhrang nih an tlaih colh hna tiah theih a si. A thimi le hliamtuarmi hna kongah fiang tein chim khawh a si rih lo. Lam a zawmi mino hna tlaih dingin a ra mi ralhrang pakhat zong fak ngai in khonden a tong ve. Rang taktak in a rak tlimi mawṭaw cungin mino hna tlaih dingah a zuang i mawṭaw ah aa thlai caah khonden a tonnak hi a si. A hmun ah a um ve mi mithmutu pakhat nih cun “Mino hna tlaih dingin mawṭaw cungin a zuang, asinain mawṭaw ah aa thlai caah a meithal zong a thalia. Fak ngai in aa khong ve” tiah a chim. Ref: TCP

Yangon Ah Lamzawhmi Hna cung Ralhrang Thiltuah Mi Fakpi In Lehrulh Lai Tiah PDF Nih Cathanh An Chuah. Nihin December 5, Yangon ah lamzawhnak tuahmi mino hna cu motor in an pah hna, meithal in an kah hna, ralhrang phu nih hramhram in an thil tuahmi cu lehrulh kan cham lai tiah Yangon ramthen PDF nih cathanh an chuah.

Yangon ramthen Gyimintai (ကြည့်မြင်တိုင်) peng Panpingyi(ပန်းပင်ကြီး) lamcung ah nihin December 5, zinglei suimilam 8:00 hrawngah ralhrang uk duhlo in daiten lamzawhnak a tuahtu mino hna cu ralhrang phu hna nih minung ruahnak ngeilo tiang in hramhram in motor he an pah hna, meithal in an kah hna caah lamzawhnak ah a kalmi mino cheukhat an nunnak a liam, cun cheukhat cu hliamhma an tuar.

Cu hliamhma tuar mi hna cu sii thlopbul nak nawl pek duhlo in rallam sialnak hmunah an kalpi hnatiah theih a si. Cu thil cangmi kong ah kan thinlung a faktuk tiah PDF nih an cathanh chungah cun an langhter.

Hriam tlailo in daiten lamzawhnak a tuahmi mipi hna cungah minung ruahnak ngeilo tiangin hramhram thilsual an tuah mi cungah nawlngeitu le nawlchuahtu ralhrang phu le ralhrang kuttang riantuan tu hna, ralhrang riantuannak ah bawmhchanhnak a tuahtu hna dihlak cu fakpi in lehrulh cham nak kan tuah lai, dothlennak ding caah a tunak in fakdeuh cawlcanghnak kan tuah lai tiah Yangon ramthen PDF phu nih cathanh an chuah. Ref: TCP