Thawngtha ngai asi asi e, Sagaing Le Magwe Ah SAC Ralkap Doh Ding In PDF Phu 40 Leng Nih tangrual Phu An Dirh

Sagaing Le Magwe Ah SAC Ralkap Doh Ding In PDF Phu 40 Leng Nih tangrual Phu An Dirh!Sagaing le Magwe ramrthen in PDF phu 40 leng nih nizaan July 23 ahkhan tangrual phu an dirh i, uknak latu SAC ralkap cu an hram cah tiang in kan doh lai, tiah tangrual phu in tuanvo ngei nih an chim.tangrual phu hna nih cun hmuitinh mi pali ngei in an dirhnak kong an chim i; teinak hmu kho ding in hmunkhat riantuanti, pehtlaihnak tha deuh ngei in thazaang chuah, hriamtlai phu hna le mizapi kar ah zumhnak he caan sau pehtlaihnak ngeih i hriamtlai phu hna karlak ah i zumhnak ser tibantuk pinah, pakhat le pakhat i upatnak le i bawmhchanh ti hna cu an i hmuitinh mi a si, tiah tangrual phu lutlai hna nih an chim.

Tamu Khua Pawng Kahdohnak Ah SAC Ralkap Pakhat A Thi, Tualchung Mi Pakhat Nunnak A Liam!Nizaan July 23, zinglei suimilam 8:00 hrawng ahkhan Tamu PDF battalion 4, TSG le SAC ralkap kar kahdohnak a chuak i cu kahdohnak ah cun SAC ralkap pakhat a thih lengah hliamhma tuar zong an tam ngai, tiah PDF Tamu battalion 4 in chimphuannak nawlngeitu pakhat nih a chim.

Kahdohnak cu Kalay in Tamu lei khualuhnak meng 4 pawng ah a chuak, tiah theih a si. Kahdohnak ahcun tualchung hriamtlai phu lei hliamhma tuar um lo tein zaanlei suimilam 3:00 ah hnu an tolh kho than, tiah tuanvo ngeitu nihcun a chimchap. Kahdohnak ah SAC ralkap nih an duhnak hmunpoh an kah caah khuachung um sualnak ngei lo pakhat a nunnak a liam, tiah theih a si.

RELCHAP: Khin-U peng, Myin Daung Khua Sianginn Hmai Ah SAC Ralkap Bomb Puah An Tong I, 6 An Thi.Sagaing ramthen, Khin-U peng Myin Daung khuachung sianginn hmai ah bomb thianhhlimhnak a tuahtu SAC ralkap hna cu nizan ah bomb bomb puahhnawh an ton hnu in nihin 24 July zinglei ah bomb puahhnawh an tong than i, SAC ralkap 6 an thi, tiah Brothers Of Lands Defense Force – BLDF nih cathanh an chuah.

Nizan July 23 ahkhan Myin Daungkhuachung sianginn hmai ah BLDF, BOB le Hero Army – Khin-U hna nih an hmanhmi bomb cu i lamhnak in SAC ralkap 40 leng an thi. Zaanlei suimilam 5:30 hrawng ah SKAT motor ngan 4 in SAC ralkap a thimi le hliam tuar mi hna cu an laak hna, tiah theih a si.Nizaan i bomb puah an tonnak hmun ah bomb thianhhlimhnak a tuahtu SAC ralkap hna cu nihin July 24 zinglei suimilam 7:00 hrawng ah bomb puahhnawh an tong than i, 6 an thi than, tiah BLDF nih cathanh an chuah.
Credit;The Chin Post