Thawngpangthataktak,SAC ralkap motor 6 cu bomb kan puahhnawh caah ralkap 15 an thi,

Sagaing ramthen, Sagaing-Monywa lampi ah nizaan October 2 zinglei ah SAC ralkap motor 6 cu bomb kan puahhnawh caah ralkap 15 an thi, tiah Myaung peng T.G.R in Bawino Teik Gar(တိုက်ဂါး) nih a chim.

 

 

October 2 zing sml 11:00 ah Sagaing in Monywa lei a kalmi SAC ralkap motor 6 cu Kwepintaw(ဂွေးပင်တော ) khua le Natyekan ( နတ်ရေကန်) khua karah bomb lung 6 in PDF tangti phu nih an puahhnawh hna caah SAC ralkap motor 2 cu an rawk dih. A thimi le hliamma pumi cu mizaw phurhnak motor 2 in Chaung U sii-inn ah an kalpi hna, tiah theih a si.

 

 

 

Cu bomb puahhnawhnak ah Myaung peng T.G.R le Saw Bwar Gyi (MPDF) hna i bawm in an puahhnawh hna i, SAC ralkap 15 an thi, hliamhma fak a pumi an tam, tiah theih a si.

 

Sagaing ramthen, Monywa peng Nyaung Phyo Pin(ညောင်ဖြူပင်) palik sakhan cu PDF ṭangṭi phu hna nih nizaan October 2 zing sml 2:00 hrawng ah kan kah i SAC ralkap chungtel 10 an thi, 5 hliamhma an pu tiah Myinchan Pengkomh Battalion 3 in ṭuanvo ngeitu nih a chim.

 

Sagaing le Myinchan PDF hna i bawm in Nyaung Phyo Pin palik sakhan cu kan kah i ruah a sur tuk caah an sakhan cu kan la kho lo, tiah a chim chap.

 

“An sakhan cu tha tuk in an sakmi a si pinah kan kah hna lioah ruah a sur tuk i an sakhan cu kan la kho lo. Cu kahdohnak ah SAC ralkap chungtel 10 an thi, a hnu ah 2 an thi chap, tiin thawng kan theih” tiah Myinchan pengkomh Battalion 3 in tuanvo ngeitu nih cun a chim.

 

Nyaung Phyo Pin palik sakhan kahdohnak ah Myinchan pengkomh Battalion 3, Myalatt PDF Taungthar, Seven People Defense Force ၊ Scorpions people defense Force၊ Sagaing ramthen Battalion 1၊ MSPDF ၊ Natogyi Regional Defense Force hna i bawm in an kah hna, tiah theih a si.