Thawngpang Kan Theih Mi Cu Lung A Nuam Lo Taktak

Myaing Peng Ah Tualchung Mi 60 Hrawng Tlaih An Tong! Magwe ramṭhen, Myaing (မြိုင်) peng Ywalay (ရွာလေး) khua mi cu May 13 in 15 tiang ah SAC ralkap nih 60 hrawng an tlaih hna, tiah theih a si. Tlaih a tong mi hna hi May 13 in 16 tiang ah Wyashi (ရွာရှည်), Letyama, Phiahti le Taungkaing (တောင်ကိုင်း) khua mi hna an si, tiah theih a si.

May 13 le 14 ah Letyatma khua mi 23, Taungkaing khua mi 7, Phiahti khua mi 8 tlaih an tong i, May 15 ah Letyatma khua mi 10, Taungkaing khua mi 7 le Pitauhkan (ပိတောက်ကန်) khua mi 6 an tlaih ṭhan hna. An tlaih mi hna chung ah kumtling lo le nu zong an i tel, tiah tualchung mi nih an chim. Tarpa pakhat nih, “Tlaih a tong mi hna cu an meithal, zen-kuan pawl le thil an fir mi an putter hna. Kum tlinglo ngakchia pa zong bag nganpi an beiter.

Pitauhkan khua tlaih a tong mi hna lakah kum 13 hrawng Htun Htun Win, kum 17 hrawng Kyaw Zin Aung, kum 38 hrawng Aung Kyi Shwe le kum 55 hrawng Htey Win le a fapa hna cu May 16 tiang ah an thlah rih hna lo,” tiah a chim. SAC ralkap nih Letyatma khua telh in pawngkam khua 5 ah rallam an sial caah khua mi cu an zaam dih, eidin le ngandamnak lei zohkhenh kan herh tuk,” tiah tualchung mi hna nih an chim.Credit: The Chin Post

Relchap:Min Aung Hlaing Nih Nu Pawl Raldoh Dingin A Thlah Cang Hna, Pa An Um Ti Rua Lo Hih. SAC nih ralram ah nu ralkap a hman hna. Sagaing ramṭhen, Karenni peng, Hmantaung pura tlang ah a ummi PDF sakhaan pakhat cu May 15 zaanlei sml 3:00pm hrawngah SAC ralkap nih an rak kah hna i mipi hriamtlai phu pawl nih an rak kham ve hna caah kahdohnak a chuak i SAC ralkap pawl an zaam tiah Dictatorship Revolution People’s Army (DRPA) nih a thanh.

Cu kahdohnak ah SAC ralkap lei in a thimi an um le um lo cu a fiang in theih a si rih lo nain kahdohnak chungah nu ralkap 30 hrawng an i tel tiah DRPA sin in theih a si. Cu kahdohnak ah DRPA, Bamahti phu, KGF, Kya tungphaw, mipi hriamtlai phu hna fonh in an kham hna hi a si tiah theih a si.

Cu bantuk in, Chin ramkulh, Falam peng, Falam-Kalay lam cungah SAC ralkap mawṭaw 26 le tank 2 cu CNDF nih bom an puah hnawh lengmang hna caah a thimi an tam. Kahdohnak a dih hnu ah CNDF nih zohfelnak an ngeih lio zongah nu thilrii cheukhat hmuh a si tiah CNDF sin in theih a si.  Credit – AC

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum