Thawngpang Dik Lo A Si

Mindat khuapi ah kah dohnak ah um lai ti thawng kan rak theimi khat thawng dik lo a si tiah thei a si. Mindat in the CDF-Mindat nih khuapi chung in minung hna cu ral dohnaak ruang ah an zaam viar tiah a chim. CDF-Mindat nih khuapi chung ah kah dohnak a tuah lai lo. Mipi hna inn ah him tein an um khawhnak ding ah khuachung ah cun kah dohnak an tuah lai lo tiah Mindat Township People’s.

Administration (News Group) statement nih a chim. Rel chap – Kutkai-Theinni motor lam ah damiah paruk an tlaih hna. Shan ramkulh Chaklei, Kutkai-Theinni motor lam cung ah a um mi, meng 38 Manping khua pawng ah khuami hna nih damiah mino paruk an tlaih hna tiah theih a si. Kutkai khua lei ah caw a va zuar i khua lei ah a rak kir mi minung pahnih cu September 29, zaan sml. 7:00 ah damiah nih thil an chuh hna.

Thil chuh a tong mi hna nih phone in khuami bawmh an hal hna tikah khuami hna nih damiah pawl cu an kal hnawh hna i an tlaih khawh hna tiah tualchung media pawl nih an tial. Damiah phu hruaitu pa cu a zaam manh i, tlaih a tong mi paruk cu khua ah zaan khat an hreen hna hnu, September 30 ah Kutkai Palek Sakhan ah an ap hna tiah theih a si. Chin ramkulh, Falam hrambunh KhaLaYah-268

Ralkap Battalion in ralkap pakhat, Tibual Ralkap Sakhan in ralkap sen thum pakhat le palek sen thum pakhat hna cu hriamnam tling he CNDF sin ah an rak zaam i CNDF nih laksawng tangka kan pek hna hnu ah, himnak hmun ah kan kuat hna tiah CNDF nih nihin, September 30 ah an thanh. September thla chung ah CNDF sin ah a rak zaam mi palek pariat le ralkap pa hnih, an dihlak 10 an si cang tiah theih a si.

Crd – THP