Thantlang Ralhrang Nih Sakhan Chuahtak Dawh An Si

Nihin May 16,2022 zing ah Thantlang ralhrang sakhan ah Kawl ralhrang Helicopter a rak phan ti a si. Zei set a rak tuah cu an thei lo. Sinain tha tein an ngiat i an zoh tikah sakhan ah a ummi ralhrang pawl hi a rak lak mi hna a si lai an zumh. Kan ralkap pawl nihcun ralhrang Helicopter cu kah kan duh tuk nain a kah khawhnak a um lo caah lungsiaherh ngai in kan cuan sawh ko tiah an chim.

Thantlang ummi ralhrang pawl hi an lak hna lai zumh a um ko. Zei ruang ti ahcun Thantlang um ralhrang pawl hi zei hmanh an tuah ti lo. An um sawhsawh ko. Thantlang ah mipi zong an um ti lo i hngah awk a um ti lo. Kahnak zong a um fawn ti lo. Kawlram ah ralhrang pawl hi hmunkip ah an i deih fawn ti lo. An i phaza fawn ti lo. Cu ruang ahcun Thantlang um ralhrang pawl hi tu zing ah Helicopter nih a rak lak hna lai zong zumh a um ngaimi a si.

Raltu tung loin sakhan ah um sawh i um peng kha Nay Pyi Taw lei nih an duh lai zumh a um ti lo. Sakhan chuahtak in Helicopter in lak mi ralhrang tampi hmun tampi ah an um cang hna. Thantlang sakhan ahhin ralhrang an tam lai zong zumh a um ti lo. Thantlang ah ralhrang thazang an i chap khawh lonak zong kha a sau tuk cang. Kha lio ah khan i kahnak ah a thimi an um lengmang fawn. Hliamtuar mi zong an um lengmang fawn caah ralhrang an tam lai zumh a um lo.

Thantlang sakhan cu chuahtak cang han sehlaw a tha ko. Thantlang peng cu a dihlak in kan ralkap nih an uk mi hmun si cang seh. Thantlang ah ralhrang an um peng caah Hakha lei tlunkalnak zong a harsa ngai. A fiang thlu rih lomi a si caah a hnu ah thawngpang kan van update than te lai. Credit – AC

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum