Thantlang peng Zahnak Tlang chung Bung khua ah ai dor mi hna inn-lo hmanthlak kan ram dirhmun ruah ah cun lung afak ko mu

Thantlang peng Zahnak Tlang chung Bung khua ah ai dor mi hna inn-lo hmanthlak kan ram dirhmun ruah ah cun lung afak ko mu kan zan mang hmanh i kan ruah bel lo mi kan ton hi cu mah hma pe hi cu alo kho ti lailo zei tik hmanh ah. Credit;suimilammedia.

 

 

Relchap,Sagaing ramthen, Myaung pengchung ah SAC ralkap nih nitin ngawt in rallam an sial caah zarhkhat chung ah mah umnak hmun kaltak in ralzaam dirhmun a phanmi minung 8,000 leng an phan, tiah pengkulh Public Defense and Security Organization in tuanvo ngeitu pakhat nih media ah a chim.

 

Kahdohnak a rak chuah ruang ah ralzaam dirhmun a phanmi a thong renglo an rak um cia i, a luancia ni tlawmpal chung lawng ah mah umnak hmun kaltak in ralzaam dirhmun a phanmi 5,000 renglo an karh caah umṭhutnak le eidin ah harnak an tong, atu lio rih ah cun bawmchantu hna nih bawmhnak an pek hna, tiah \uanvo ngeitu nih cun a chim.

 

SAC ralkap hna cu khuachung ah lut in rallam an sial caah tualchung mi hna cu an tlaih hna i an hrem hna leng ah bia an halnak, cheukhat cu an thah hna i, an inn lo zong an khanghpiak hna, tiah tiah theih a si.

 

 

Nizaan September 4 ni zong ah Bukai(ဘူးကိုင်း) khua ah SAC ralkap nih rallam an sial lio ah tualchung mi pakhat cu an tlaih i, an hrem lio ka hmuh, tiah tualchung hriamtlai phu chungtel pakhat nih a chim.

“Bukai(ဘူးကိုင်း) ah tlaihkhih a tongmi pakhat cu fak tuk in an tukvelh caah SAC ralkap nih ambulance an auh i, a thih le a nun kong cu kan thei kho rih lo,” tiah nihin September 5 ah a chim.