Thantlang Ah Nihin ThiL A Cangmi

Thantlang ah Covid-19 positive panga an hmuhchap. Thantlang Covid-19 Emergency Response Committee tuanvo laknak in Thantlang khua ah Covid-19 hrik cheknak pehtlai in an tuah i July 1 ah positive minung panga an hmuh hna tiah Committee Secretary Pu Ram Khar nih a Facebook ah a tial. Nihin, July 1 ah minung 28 an chek hna i, an chek mi hna chung in minung panga sin ah an hmuh hi a si.

A luan cia June 12 thawk in Thantlang Covid-19 Emergency Response Committee tuanvo laknak in Cawnni hnih le Cawnni nga fatin, zarh khat ah ni hnih lengmang in Covid-19 zawtnak hrik cheknak an tuah i tu tan hi a voi ruknak a si tiah Pu Ram Khar tial mi ah kan hmuh. Nihin ah Covid-19 mizaw chung in minung pathum sii-inn in an chuak. Thlop lio mi Covid-19 mizaw minung 48 an um rih tiah kan theih.

July 1 tiang ah Thantlang khua chung ah Covid-19 zawtnak hrik hmuh mi minung 52 an si cang i minung pakhat a thi cang tiah Thantlang Covid-19 Emergency Response Committee Secretary Pu Ram Khar sin in kan theih. Relchap – France Senator 150 Leng nih NUG cu Myanmar Phungning Cozah ah Theihpi Ding in Min an Thut. France rampi runvennak ramleng lei pehtlaitu committee (Foreign Affairs Committee.

Defense and Armed Forces) hruainak in June 30 ah Myanmar kong ceihmainak an ngei hna i, French Senator 150 leng nih NUG cu Myanmar phungning cozah ah theihpi ding in minsen an thut, tiah Dr. Sasa hruaimi Ministry of International Cooperation Myanmar nih thawng a thanh. Nihin biachahnak an tuahmi kong he pehtlai in French Senate ah ceihmainak le vote peknak an tuah tthan te lai.

Credit – T C J