Thantlang Ah Mino Pahnih Cu Ralkap Nih

Thantlang Khua Chuah Nak Lei Ah Mino Pahnih Cu Rallokap Nih An Tlaih Hna. Chin ramkulh Thantlang peng Sopum khua lei ah kal ai tim mi mino pahnih hna cu hramhram uk nak la tu rallokap nih dir ter in an check hna hnu ah zei ruang ah ti theih lo in an tlaih hna i an kal pi hna tiah theih a si. Hakha khuachung zong ah nihin chun hnu ah rallokap nih mipi hna um nak inn cu check hlat piak in minung 7 an tlaih hna,

Tangka singhra le hman mi thilri pawl zong an lak tiah theih a si . TCP News dang relchap. Karen National Union (KNU) Tatmaha 5 kut tang ummi KIA ralkap hna le SAC ralhrang tapung pawl kar ah nizan May 4 ni ahkhan Phapun khuapi pawng ah an itonnak ah SAC hriamtlai tapung pawl motor pakhat aa let caah motor a cuanmmi 7 ning in an thi dih tiah KNU lei nih an chim. Nizan chun suimilam 12 hrawnghrang ah.

Phapun myo nichuaklei Phapum myo le Kawpu ramri ah, Karen National Liberation Army – KNLA ralkap hna le SAC hriamtlai tapung pawl kar ah kah dohnak a um i, cu kahdohnak ah SAC hriamtlai tapung pawl motor aa let tiah Tatmaha 5 in chimhnak nawlngeitu Duh-bohmuci Saw Kale Do nih a chim. Duh-bohmuci nih, “Nizan zanlei ah kanmah sin thawngpang an rak kan thanh ningah,

Kanmah minung hna le ralkap tapung kar kah dohnak a um. Phapun le Khawpu kar ah an ikah. Chun suimilam 12 hrawng asi. Cu kahdohnak ah ralkap tapung motor pakhat aa leh. Motor a citmi minung 7 an si i, an 7 ning in an thi dih. Motor zong a ningpi in a rawk dih. Kanmah lei in cun hliamtuar  an um lo tiin an rak kan chimh” tiah KIC sinnah a chim hi a si.

Cu pinah nizan zanlei sang ah vanlawng pakhat a zuang len nain kahnak cu a um rih lo i. Atu tiang KNU lei nih SAC hriamtlai tapung pawl ti rawl an iphurhnak lam an phit caah SAC hriamtlai tapung lei nih khuami tlunkalnak lam pawl an phit ve tiah Duh-bohmuci Saw Kale Do nih a chim chih. A luanci March 27 ni thok in nizan May 4 ni tiang, KNU tatmaha 5 le.

SAC hriamtlai tapung pawl kar ah kahdohnak voi 407 a um cang i, ralkap lei in 194 an thah khawh pinah minung 220 leng nih hliamhma an tuar. KNU lei in minung 9 an thi i, minung 10  nih hliamhma an tuar ve tiah KNU tatmaha 5 nih a chim. Cu pinah SAC hriamtlai tapung lei in hriamngan voi 575, vanlawng in voi 27 an kah hna pinah bomb in 47 tiang an cheh hna ti si. Cu vialte kahdohnak ruangah mipi lei in minung 14 an thi i,

Minung 28 nih hliamhma an tuar ti si. Sianginn le minung umnak inn telh in cozah nih ngeihmi thilri tampi a rawk tiah KNU tatmaha 5 nih cazin an lak ning in theih a si. Aluanci March 29 ni ah Hlaingboi myone chung i, Wahkalekho area ah SAC ke  ralkap Tatzing Khamayah 408 ralkap tapung pawl a phurmi motor pakhat aa let ruangah ralkap tapung 20 dengmang hliamhma fak an tuar pinah a thimi zong an um tiah theih a si.

Ref: kicnews