Thangtlang Peng Ralzam Minung Pakhat Ah MMK 30000 Cio TPAC Nih Bawmhnak An Pek Hna

Thantlang Peng Ralzaam update. Ramchung ramleng bawmchantu hna bawmhnak thawngin Thantlang peng khuate i aa dormi minung 500 tluk sinah minung pakhat ah MMK 30000 cio TPAC nih bawmhnak kan pek hna. Naupawi, Pum tlinglo le Kum nga tang ngakchia hna hi ahlei in bawmhchanh an si. Bual peng le Vailam tlang khua kip ah ralzaam hna caah tiin, khua khat ah Facang tun 5 cio in (caan karlak caah) kan phawt hna.

Arauh hlan ah Thantlang peng khuate dihlak ah bawmhnak phakter khawh kan i zuam lai. Mipi hna eidin kongah lungrethei in um hna hlah u sih. TPAC nih a si khawh chungin ralzaam caah tiin a tuan cuahmah lio a si. Kan lung thawng chin ko seh. Bawmchantu dihlak nan cungah kan i lawm tuk. Crd: Thantlang Placement Affairs Committee. Rel chap – Kei hi kum 72 upa ka si cang ca ah nan thawng tial

mi pawl hi ka tuule ka kauterchom tawn hna. Ca nan chuah ti lonak sau le kan hlam hna. Kale ah zei ca hmanh a chuak ti rua lo hi teh. Tarmit kai benh bu in fiang ual lo khin ka rel tawn. Ka rel mi pin ah an chimceih mi ka hna in ka theih mi ka ruah tik ah Min Aung Hlaing tepawl hi sau cu an nguh ti lai lo hih, ka hei ti. Chim ruam ahcun, keizong cu ralkap pension te ka si ve.

Nain, Min Aung Hlaing tepawl thiltuah hi nan tial lengmang tik ah huat an chuak tuk hme hi ka ti. A muite he, thak viar in bengh-lap ding te khin ai umter le Midia nih hin van tial lengmang ko u. Thil thalo an tuah mi zong phozaar lengmang hna u. Ti khan dawh, anmah pawl kan huat hna nak a karh lai le Laimi kan i purup lai cu awh. Cu lo ahcun, ralkap ka tlak lio ah.

Kawl ngian cu Kawl lawng nih an theih,” an kan ti tawn mi kan chuak sual lai. A rengreng ah, feibuk i ca nan tial mi khi ngan deuhpi in kan tialpiak kho ulaw ka duh. Ka mit nih a hmu hringhran lo. Kai lawm. Nehemiah Pu .Kale Myo

Crd – THT