Tg. Lian Khaw Siam Ngaihchiat Pinak

April 8 ni ah, SAC ralkap hna nih Kalay khua chung um Tg. Lian Khaw Siam (kum23) cu sii cawkding a kalnak ah zohchia tuk in an rak thah. Dohthlennak chungah a nunnak liam mi Tg. Lian Khaw Siam a tantaak mi a chungkhar kan in ngaihchiat pi hna i, upatnak sang bik zong kan pek.

Tlangcung mi kan ram cia ah duh paoh in an kan thah hi Zomi Federal Union nih kan duh hrimhrim lo. A dih rih lomi, hi dohthlennak ah hlawhtlinnak kan hmuh hlan tiang kan doh peng rih lai i bia zong kan i kam tiah Lg. Lian Khaw Sian ngaihchiatnak he upatnak kan in pek. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum

Kayin ramkulh, Pharuso(ဖရူဆို) peng Makharaw(မာခရော်) khua le Lawcekhu(လောကျေခူ) khuathar kar nizaan April 12 zaanlei suimilam 4:00 hrawngah SAC ralkap hna cu KNDF phufonh nih an kah hna i SAC ralkap nih an i citmi private motor pakhat, ke 10 ngei motor pakhat le motor dang pakhat an rawk i SAC ralkap 8 an thi, hliamtuar zong an um tiah KNDF battalion 15 nih thanh.

SAC ralkap hna cu Pharusu (ဖရူဆို) khuachung ummi no.14 raltuk a cawngmi an si i, Makharaw(မာခရော်) khua le Lawcekhu (လောကျေခူ) khuakar hleidonh serding in an kallio ah KNDF battalion 15 le mizapi vengtu ralkap phufonh nih an kah hna hi a si.

SAC ralkap nih an i tlaihmi MA2 meithal zuun 1, 60mm bomb lung 2, kuanfang hna le raltuknak ah hmanmi thilri zeimawzat cu lakpiak an si, cu kahdohnak ah cun mizapi vengtu ralkap phu lei in minung pakhat hliam a tuar i a hliamhma kong ah thinphan ding a umlo tiah KNDF battalion 15 sin in theih a si.

#ChaungOo le Pakokko Ah SAC Ralkap Le Pyisawtee Pawl Kahdoh An Tong

Sagaing ramthen ChawngOo peng Kinmontaw(ကင်မွန်းတော်) khua ah umhmun khuarmi SAC ralkap le pyusawthi minung thazaang 20 hrawng le ChawngOo PDF kar April 11, zinglei ah kahdohnak a chuak.

April 12 zinglei ah Kinmontaw(ကင်မွန်းတော်) khua cu SAC ralkap lei nih hriamngan in an kah hna. Cun ChawngOo-Pakokko lam thennak hmun ah a umkal mi khualtlawng mipi hna sin ah phaisa a haltu SAC ralkap hna cu mizapi vengtu ralkap phu nih bomb an puahhnawh hnna.

Magway ramthen Pakokko Myotit lei motor lampi ah umhmun khuarmi SAC ralkap hna cu tualchung hriamtlai phufonh nih bomb in an cheh hna i SAC ralkap minung 3 hliam an tuar tiah theuh asi.

April 13, zinglei suimilam 2:00 hrawng Myotit lam ah SAC ralkap, pyusawthi phufonh le mizapi vengtu ralkap phufonh kar kahdohnak a chuak pyusawthi 3 an thi i 2 nih hliam an tuar. Cu kahdohnak cu Southern YSO PDF, PAKOKKU NORTH PDF, KING COBRA PDF phufonh nih tuahmi a si cathanh an chuah.