Tawaddy khua, MonHla khua Khin khua tel in a pawngkam khua hna cu SAC ralkap nih helicopter 3 in bom athlak akah hna

Sagaing ramțhen, Khin Oo peng nitlak lei, Tawaddy khua, MonHla khua, PinSing Khin khua tel in a pawngkam khua hna cu SAC ralkap nih helicopter in nihin July 18 zinglei Sml 10:00 ah an kah hna tiah khuami hna sin in theih a si.

 

” July 17 ah YeeOo in thazaang 100 leng cu Tawaddy khua tlanglei ah an lut. Zan a phan i khuachung phungki sianginn ah umhmun an khuar. Zingkaa te ah khua chaklei cu hriamngan lung 10 leng in an kah. Zei ruangah an kah ti zong kan thei lo. Cu hmun ah cun kahdohnak zong a um lo. Cu hriamngan an kah hnu ah helicopter 3 a rak phan i an kah. A cheu kan zaam, A cheu kan i thup. Tliknak

Cu MonHla khua lei lawng ah lam a um. Cu kaa lei a zaam mi hna cu an kah hna tiah khuami pakhat nih a chim.July 14 zongah Depeyin peng nichuahlei kap ah SAC ralkap nih helicopter in an kah hna caah khuami pakhat a thi i pahnih hliam an tuar, a tu helicopter in na kah nak Tawaddy khua, MonHla khua, PinSingKhin khua i khuami hna zei an lawh ti theih an si rih lo.

 

Hlan thilri le thil mansung an hmuh tiah  minung a thong  in an ra i an cawhnak hmun Sagaing ramțhen, Wetlet peng Thangyi(ထန်းကြီး) khua ah SAC ralkap nih umhmun an kuar tiah tualchung thawngzamh nih a langher.Hlan thilri le thil mansung hmuh a si tiin Shwebo pengkomh Wetlet peng Thangyi khua ah hin nifatin te minung a tong le a sawm in khur an co i thil an kawl hna tiah theih a si.

Nihin (July 18) zing Sml 4:30 tluk ah SAC ralkap 70 tluk cu mawtaw 2 in an rak phan i phungki sianginn ah umhmun an kuar, cu pin ah khua nitlak lei tlang cung zong ah an um fawn tiah tualchung mi sin in theih a si.” Thil mansung pawl kong Facebook ah an tarlangh mi an hmuh i a si lai. June 28 zong ah khan zinglei ah thawng a rak kai i zaanlei ah an ra colh. A cheukhat nih cun thil mansung cuai 3 tiang an kan hmuh tiah an chim. Cu caah an ratnak hi a si lai,” tiah Wetlet khua mi pakhat nih a chim.

Thangyi khua ah hin hlan thilri pawl, sui le ngun, lungvar mansung le milem zuk tete an hmuh i cu hnu thawk cun ni fatin minung a thong le a sawm in thil an kawlnak hi thla khat leng a si cang tiah tualchung mi sin in theih a si

Credit; The Chin Post