Tamu khuapi cung ah nihin August 22, zaanlei suimilam 5:40 hrawng in helicopter pakhat cu suimilam cheu hrawng niam tein a zuang i

Sagaing ramthen, Tamu khuapi cung ah nihin August 22, zaanlei suimilam 5:40 hrawng in helicopter pakhat cu suimilam cheu hrawng niam tein a zuang i aa helhum, tiah tualchung mi nih an chim,Cu helicopter cu, Kalaymyo in nihin zaanlei suimilam 5:40 ah Tamu lei ah a zuang i, zaanlei suimilam 6:17 ah Kalaymyo lei a tum than, tiah theih a si.

 

Relchap,Sagaing ramthen, Kata peng, Bant Bwekhua kahdohnak ah SAC ralkap 30 hrawng an thi, tiah Kata peng tualchung hriamtlai phu nih cathanh a chuah,Kata peng Bant Bwekhua ah umhmun khuarmi SAC ralkap 70 hrawng cu KIA battalion 12 kuttang um PDF, Kata pah-kah-phah le tualchung hriamtlai pah-kah-phah phufonh nih nihin August 22 ah an kahdoh hna. Fak ngai in hliamh a tongmi SAC ralkap hna nih hriamngan le van lei in an rak bawmh hna, tiah theih a si.

 

Cu kahdohnak ah a thimi SAC ralkap hna ruak cu, Bant Bwe khua tiva ah tilawng hme mi in an thiar hna, tiah Kata pah-kah-phah nih an thanh,Kaphnih kar kahdohnak ah tualchung hriamtlai phufonh lei in minung 4 cu hliamhme an tuar i, SAC ralkap nih Bant Bwe(khua cu an khangh, tiah theih a si.
Credit;The Chin Post