Tamu in Kalaymyo lam, Tamu khualeng Min Thiha datsi zuarnak hmai ah nihin August 22, zinglei suimilam 6:00 hrawng ah, puan in a mit tuam mi, aho si theihlo mi pa pakhat ruak

Tamu in Kalaymyo lam, Tamu khualeng Min Thiha datsi zuarnak hmai ah nihin August 22, zinglei suimilam 6:00 hrawng ah, puan in a mit tuam mi, aho si theihlo mi pa pakhat ruak kan hmuh, tiah tualchung mi nih an chim.Nunnak a liammi pa hi Tamu khuami a si lai, tiah ruah a si. Alu ah thi tam ngai a luang i, aho nih an thah theih a si rih lo.

 

Relchap,Sagaing ramthen, Kata peng, Bant Bwe khua kahdohnak ah SAC ralkap 30 hrawng an thi, tiah Kata peng tualchung hriamtlai phu nih cathanh a chuah Kata peng Bant Bwe khua ah umhmun khuarmi SAC ralkap 70 hrawng cu KIA battalion 12 kuttang um PDF, Kata pah-kah-phah le tualchung hriamtlai pah-kah-phah phufonh nih nihin August 22 ah an kahdoh hna. Fak ngai in hliamh a tongmi SAC ralkap hna nih hriamngan le van lei in an rak bawmh hna, tiah theih a si.

 

 

Cu kahdohnak ah a thimi SAC ralkap hna ruak cu, Bant Bwe khua tiva ah tilawng hme mi in an thiar hna, tiah Kata pah-kah-phah nih an thanh,Kaphnih kar kahdohnak ah tualchung hriamtlai phufonh lei in minung 4 cu hliamhme an tuar i, SAC ralkap nih Bant Bwe khua cu an khangh, tiah theih a si.

 

 

Relchap,Pyin Oo Lwin – Mandalay Lampi Ah Alu Phortu Motor Cu Aa Let I, minung 2 Nunnak Liam,Pyin Oo Lwin-Mandalay lampi mengtung no.25 ah nihin August 22, chunhnu suimilam 1:00 hrawng ah Alu phortu motor ngan pakhat cu lam thlang lei i a tlak caah motor khaltu le a zultu cu an nunnak a liam, tiah theih a si.

Cu ka motor aa lehnak hmunhma cu motor dang zong lam thlang ah an lanh tawnnak hmun a si i, atu le tu khawndennak a cannak hmun a si,Motor a tlaknak hmun ah cun Pyin Oo Lwin peng meithat phu hna le bawmchantu phu hna nih an zuanhnawh hna. Nunnak a liammi 2 cu Pyin Oo Lwin peng general hospital ah an kalpi hna, tiah theih a si
Credit;The Chin Post