Sual rank an kaiter Naite helicopter nih ralhrang tawnlek Pu NSA Naypidaw lei a zuanpi mi ah a rank kaiter an timh tiah ka rak post,nain

Sual rank an kaiter Naite helicopter nih ralhrang tawnlek Pu NSA Naypidaw lei a zuanpi mi ah a rank kaiter an timh tiah ka rak post,nain kyats 10 billion humh in a huntlung cang tiah ka rak ttial tthan.Mah kong kha hitin a si, a rank kaiter siloin a nawlngeihnak an kai ter! Na duh chungin Chinram ah va sual (cian) tiah sual/cianh chin rank tu an kaiter/pek tiah theih a si,Cucaah a liamcia kum nak in a ralai mi ah hin a sual,a cian tuk lai tiah ruah a si ,Note: Hal loin la hlah,copy hlah. Credit;Salai William HC.

 

Thawngpangdang,SAC nih uknak a laak hnu in Myanmar rammi, a bik in Chin mi hna cu Mizoram ah ralzam in an rak phan. Cu ralzam hna cu an ram ah kirter kan tim hna lo, tiah Mizoram Chief Minister Pu Zoramthanga nih cun a chim,A luancia August 5 lio ah SAC ramleng minister U Wana Maung Lwin nih Mizoram ralzam hna cu Myanmar kirter ding in ca a kuat mi social media ah a langh hnu in Mizoram ralzam cheukhat hna cu thinphang in an um, tiah theih a si.

 

SAC cakuat mi kong ah Chin MP hna nih CM Pu Zoramthanga cu an va ton colh i, Myanmar ralzam hna cu a hlan zong ah nan ram ah kan in kirter hna lo, kirter ding in kan in tim fawn hna lo, tiah Pu Zoramthanga nih cun a rak leh hna,Kolkata um SAC Office cu “Ralzam hna hi an ram i kirter ding an si ahcun an nunhimnak ca ah tuanvo nan la kho hna lai maw” ti mi biahalnak lawng kan leh hna, tiah CM nih cun a chim chap.

Myanmar Ralzam hna cu kan si khawh chung in kan zohkhenh hna lai, tiah Mizoram Home Minister Pu Lalchamliana zong nih a chim ve. Myanmar ralzam hna cu a bik in Mizoram ramri khuate hna ah an um hna i, Mizoram cozah lawng siloin YMA, MZP, NGO le Biaknak Bu hna zong nih a si khawh chung in bawmhnak an pek hna.

NUG zong nih, Mizoram ralzam hna an nunhimnak kong ah India cozah he zong naihniam tein kan i ceihruah ko. Mizoram cozah le Chin MP hna zong tonnak an ngei kho lengmang ko, tiah an chim ve. SAC nih uknak a laak hnu in Chin mi 40,000 reng lo cu Mizoram ah ral an zam hna.
Credit;The Chin Post