Sport Nan Tuah Nak KTV Nan Ei Nak Buiti Nan Ei Nak Le Dawr Tthatha Ah Rawl Nan Ei Nak Kan Post Piak Ti Hlah Uh: Salai Ngun San Aung

Sport Nan Tuah Nak KTV Nan Ei Nak Buiti Nan Ei Nak Le Dawr Tthatha Ah Rawl Nan Ei Nak Kan Post Piak Ti Hlah Uh: Salai Ngun San Aung. Khuapi chung um Mino ka hawile hna zeiruangah ah Sport day nan tuah nak, KTV nan kai nak, Buti nan ei nak, dawr thatha ah rawl thaw thaw nan ei nak, tiva nan kalnak, hawikom he nan inuamhnak pawl Facebook ah tar lengmang hlah ulaw kan in timi hna hi a ruang nan ifiang rua lo.

Nanmah bantuk in nuamh a duhtuk cingling a si vemi Mino tampi cu ramtang ah ihnak rep ngei lo le hmakphek hmanh duh in ei awk um loin Miphun le ram caah an nun an thap an caanttha vialte an pek. Hihi anmah rian hlei a si lo. Na rian ka rian a si ve. Mah bantuk in harsat an tuar lioah an hawile nih nuamtuk in nan ummi an hmuh ahcun an lung a zor ve cuh. An in hngar hna. Kir an duh. An Nulepa nih an in hmuh hna tikah kannih fa vial hitluk har a tuar midang vial hitihin an um kho an ti i an fale kha kir an fial hna. Cuti cun i nuam dih usilaw hodah kan Miphun dohthlennak cu a tuah kun lai.

Cun kan hngalh awk pakhat cu tu bantuk in zalong nawn tein lenvah Le nuamhsaih ter khawh kha Uico ralhrang pawl nih an i timhmi cu a si cuh. Mah tihin kan chiah hna lai i dohthlennak thinlung tlau seh i nuam hna sehlaw kan uk hna lai ti kha an duhmi a si. Cucaah nan lungsia a rem ko ahcun i nuam ko uh. Mah belte zei kan ti hnga Facebook ahcun kan post piak len ti hlah uh tiah Hakha khuapi chung um ka hawile vialte kan nawl ko hna.

(Kannih zong nanmah he hmunkhat teah lentecelh le nuamhsaih kha kan ngai tuk ve ko ee. Tu lio cu nuamhsaih kan isum ve mi te zong hi dohthlennak caah a si tiah ruat ko hna usi mu. Cun kan tei tikah tu lio kan isum mi vialte ca he kan inuam te hna lai mu). Credit : Salai Aung Relchap : Thangtlang Um Mi Ralhrang Pawl Khi CDF/ CNA Nih Kham Peng Hna Hlah Sehlaw Khua Kip Nih Kan Celh Bak Lai Lo

Thantlang ah Uico pawl khi CDF/CNA nih kham peng hna hlah sehlaw Khuate kip nih kan celh bak hna la loh tikha kan ifian taktak awk asi. Thantlang inn le lo vialte kan sungh viar mi tu cu apoituk tipin ah hnemhnak bia hmanh achim kan thiam loh. Khuate khuasa cheukhat nih CDF le CNA cawlcanghnak zei huaha ah nan rel lo caan hna atam ngai , an mah nih erhkhumh hna hlahsehlaw khuakip ah abubu in an rak phan lai i nan inn le lo zong an duah dih khawh mi asi , vok le ar tiang in an thah dih lai i vava nan tum dih lai afiang.

Zumtu kan sinak alanghnak pakhat cu kan ngeih mi kan i hrawm i, kan harsatnak kan i hrawm, Bawipa nih , mi cheu cu Ram tthatnak ah akan kuat i, ei awk azatawk in akan pek, kan ngeihchunte kha kan in hrawmh ve hna. Nan harsatnak kan i hrawm ve i, Bawipa zoh buin Miphun caah tiin kan ngeihtawk tete zong kan i cheuhbauh mi zong hi Zumtu nun nih avan kan luanhchih mi theipar an si. CDF/CNA kha Bawipa nih mipi vengtu dingah an pek mi hna akan pek mi an si khah!! duh poh khual nan tlawn khawhnak le phaisa kuat hlam khawh, rianttuan le lo tuah etc.

vialte zong kha Bawipa nih CDF/CNA hmang in an ven hna caah asi. tihi Zumtu hna nih cun kan ruah chih awk ngaingai si ka ti tulio kan sining chunzaan in khuaruah ah , ruah loawk ttha lo thil an si. Crd: Hniang Tha Ceu. Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti.

Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si. A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum