Special Comando Nih Khuapi Lai Ah Hruai A Si Te Lai

Special Comando Nih Khuapi Lai Ah Hruai A Si Te Lai, Lawngtlai, 07 Chiapa 2022 : Nawlngeihnak aa hruhpimi ralhrang dohnak ding caah Special Comando cawnnak cu Western command Brigade (7), Battalion 703 nih 7 Chiapa ah an thanh. Ralhrang an sunghzau nakhnga hmuitinh in le mizapi hna cu Comando ralkap nih kilven dingin nawlnak zong an tuah.

Mizapi inn meikhangh, thilri firpiak, thahnawnnak a tuahmi ralhrang hna cu an riahbuk siseh, khuapi laak caan hna ah Special Comando ralkap nih an hruaite hna lai. Lai ramkulh, Magway ramthen, Sagaing ramthen ah a ummi Ayeayerwaddy tiva in nitlaklei cu hmuitinh in Western Command General Headquarter nih Special Comando cawnnak cu.

Pur thla khan cawmnak thawk a si tiah Battalion 704 in ralbawi Soe Moe nih theihternak a tuah.  Kan herhmi a tam ngai rih ko, cucaah mizapi nih nan kan bawmhchanhnak lai kan nawl hna ” tiah ralbawi Soe Moe nih a chim.Tulio ah Western command hmunram Gangaw pengkomh le Northerner ah ralhrang thazaang 300 hrawng nih ralhmai sernak an tuah caah kahdohnak zong a chuak. The Lairam Times

Chin ramkulh, Hakha Khuapi No.1 Sianginn Hrawng Ah Bomb A Puak! Hakha ummi pakhat nih, “Nihin July 7 zaan sml 9:30 hrawng ah bomb a puak. No.1 sianginn chung ah a puakmi a lo ko. A thawng thang tuk hringhran. Bomb pelpawi zong kan inncung ah a tla,” tiah The Chin Post ah a chim. Hakha No.1 sianginn cu SAC nih an hun i, siangngakchia 2000-3000 kar an kai lai. Siangngakchia hna cu anmah duhmi thil hruk in a kaimi zong an um.

Siangngakchia sianginn an kai caan zinglei poh ah sii-inn lamṭhen in palik nih humhimnak an lakpiak hna. Cacawn caan a dih in siangngakchia an ṭin zong ah palik nih an congh hna, tiah Hakha ummi pakhat nih The Chin Post ah a chim. Ref. The Chin Post.  lut rih lai ti a si. Ralhrang khua chungah an luh ah hin cun thil pakhat khat cu a cnag lengmang. Rak zoh te u. Khuachia pawl hi.

A dang relchap. Australia Auhnak Tuah Tikah. Voi tam-ial ka tial cang (Ka page ah zoh khawh a si) nain naihrawng kan hmuhton mi tete ruangah chimfian hau than in ka ruah caah tlawmpal ka van com than. 2013 hnu in Lai/Chinmi tam deuh Australia kan phaknak cu chim hau lo in Special Humanitarian Program (SHP) visa timi Subclass 202 Visa a si. Hi VISA in auhnak tuah tikah .

Offshore Humanitariann VISA 842 Form le Refugee and Special Humanitarian Proposal Form 681 phit (fill up) hnu hmunkhat ah kuat in sok mi VISA a si. Form 842 hi auh mi (Delhi le Malaysia khuasa) lei nih phit mi le Form 681 hi Australia khuasa nih phit ding a si. Hi Form (s) pahnih hi Australia Cozah nih kum fatin a zoh i remh awk a um mi a remh, rinh awk tha a rinh tawn, cucaah.

An zoh than (reviewed) hnu ah a kum le ni-caan khenhchih in Acozah Website ah a chiah tawn. Phundang in kan chim ahcun, a hnubik an zoh than mi (reviewed) kha a hman mi, a nung mi a si. Sinain naihrawng Laimi nih Form kan tuahpiak mi hna hi tuan deuh 2018 hrawng i hman mi (a nung ti lo mi) kha nan hman tawn. Atulio ah hman ding ti mi cu October 2021 ah.

Zohfel mi 842 Form le September 2020 ah zohfel mi 681 Form an si. Cucaah fialtu minung nih an hngalh lo hmanh ah, fial mi (Form phitpiaktu) tal nih hngalh ah a tha. Cuhlan tawn bantukin kum fatin Ralzam (refugees) kawhauh ding milu zat hi 2022-2023 chung ca ah 13,750 a si. Hihi vawlei cung ram kip chungin a lak tawn mi hna dihlak ca a si. A tlawm ngaingai. Culak ah auhnak Form kan kuat mi hna tlamtlin lo ruang ah.

Hnon mi tampi an um theo. Cucaah Form phit tikah felfai le khunnguh a herh. Naihrawng Malaysia lei in auhnak tuah mi ca ka sin an phakpi mi an ka zohfelter than tik ah remhchom lawngte an hau (a caan ah cun a thar bak in tuahpiak than an hau). A hlei in Part D – Family Background, Part E – Links to Australia le Part L – Assistance with this Form ti mi chung khi an si.

Part L hi Part I – Language and Education he pehtlaihnak an ngeihter caah, Part L zawn i, hi form phitnak ah bawmtu na ngei mi hna khi, English Language Codes an chiah mi 1, 2, 3, 4 he zohchih a herh. Micheu nih Codes 4 nan thimpiak hna nain, hi form phit ah ahohmanh bawmtu ka ngei lo, keimahte in ka tuah kan ti, hinih lih kan chim a langhter. Hiti ka chim tikah a hngal hlei lo a thiam hlei.

Ka van lo sual hnga, phundang in lakpiak loin, ruahchannak tampi le chawva dih in kan tuah mi a si tikah, kan tuah mi tlamtling lo ruangah chunmang purh lai ka phan caah a si deuh. Kan ram ralhrang uknak chiatkhat ruangah Delhi le Malaysia lei ah kal in hi Humanitarian Program ruahchih bu he UN a sok mi tampi nan um i Temporary Card aa tlaih cang mi le.

CRC card aa tlaih cang mi tampi nih nan sok cuahmah lio a si caah siaherhnak he ka van tar mi tu a si ti hngalhpiak ka duh ko. CRC le UN Temporary Card tlaih mi sok khawh a si maw, tiah a ka hal mi zong nan thahnem ngai, a hngal cu ka si lo, nain mithmuh kut-tongh in a tuah mi zeimawzat a hlawhtling mi an um ti cu el khawh lo a si fawn.