Siangngakchia 4 Tlaih An Tong!kumtlinglo siangngakchia pa 4 an si hna an ton ning cang hi lung faktuk asi ee

Pyay Ah Siangngakchia 4 Tlaih An Tong!: Pago ramthen Pyay ah kumtlinglo siangngakchia pa 4 cu July 19 ah SAC ralkap nih an tlaih hna, tiah Pyay khuami nih an chim. Pyay khuapi Sinsuhsang ah siangngakchia pakhat le Pyont Hla Theinkonesang siangngakchia 3 cu ni 19 zaanlei sang ah, SAC ralkap thazaang tampi an ra i an tlaih hna, tiah khuami pakhat nih RFA ah a chim.

Taang 7 tiang Sianginn a kai i aa din mi an si i kum 15,16 hrawng an si. An 4 in “Kaung For You” private sianginn i a kai mi an si caah SAC ralkap nih an tlaih hna. Cupinah Pyay khuachung i General Aung San statue pawng rawl dawr pakhat ah siangngakchia pakhat zong zaan ah an tlaih, tiah tualchung mi sin in theih a si.Hi kong he pehtlai in SAC lei nih thawng an thanh mi a um rih lo. July 13 in 18 tiang (ni ruk chung) ah “Kuang For You” sianginn a dirhtu saya U Kaung Theih Soele cachimtu minung 15 cu SAC ralkap nih an tlaih hna, tiah All Myanmar Federation of Teachers in chungtel pakhat nih RFA ah a chim.

KNU Hmunram Taungoo Pengkomh Ah Kahdohnak Ruangah Tualchung Mi 2,600 Leng An Zaam!: KNU brigade 2 hmunram Taungoo pengkomh Than Taunggyi peng, Tapu region chung i a ummi khuate 9 in tualchung mi 2,600 leng cu Tapu Kasho Thide Kasho le Shanlaypin Kashoah an zaam hna, tiah KNU nih an thanh.Tapu hmunram Min Lan Taungkhua, Si An TaungMi Ei Gyi Mi Ei Gy

i Thitkone Suhsikhua, Kywekyaw(khua chak le khua thlang, Bawdikone Laythae Gwaytha lamthen hna ah SAC ralkap le KNLA cu July 15 in 18 tiang an i kap. SAC ralkap kah-lah-yiah 85 le kah-mah-yiah 307nih khuate pawl cu hriamngan in an kah pinah inn zong an khangh hna, tiah KNU nih an langhter.SAC ralkap nih khua an khangh ruang ah a zaam mi mizapi hna cu fur caan a si caah thutdirnak kong ah siseh, eidin kong ah harsa ngai in an um, tiah KNU nih thawng an thanh.

Mindat Um SAC Ralkap Ko Hein Min Naing Cu A Hriamthil He CDM A Tuah!: Chin ramkulh, Mindat khah-lah-yiah 274 battalion in Ko Hein Min Naing cu a hriamthil he CDM a tuah, tiah KyaukHtPDF nih cathanh an chuah. July 18 ah khan KyaukHṭu PDF sin ah pehtlaihnak tuah in MA-1 pakhat, kuanbawm 5, kuan zun 270 he Kyaukhṭu PDF(YRPA) he pehtlaihnak tuah in CDM cawlcanghnak a tuah, tiah an langhter.

 

Kyaukhtu PDF nih CDM cawlcanghnak a tuahtu Ko Hein Min Naing cu sing 80mmk an pek hnu ah a himnak hmun ah an kalter, tiah theihternak an tuah.Mizapi lei ah dir a duhmi le CDM tuah a duhmi ralkap le palik hna nih Kyaukhtu PDF (YRPRA) sin ah pehtlaih khawh peng kan si, tiah theihternak cathanh an chuah.

Bogo Ramthen Le Tanintharyi Ramthen Kahdohnak Kong: Bago ramthen, Yey Tar Shae peng mentung 158 nak ah umhmun a khuarmi SAC ralkap hna cu tualchung hriamtlai phu nih July 19, zaan suimilam 8:10 ah hriamngan in an kah hna caah SAC ralkap 6 nak tlawm lo an thi lai, tiah taungoopengkomh tualchung hriamtlai phu nih cathanh an chuah.

Tanintharyi ramthen Ma Hle Taung ) sakhan ah a luancia July 17 ahkhan palik pahnih cu anmah le mah i an i kap i, palik bawi Kyaw Tu Win a thi, tiah theih a si. Palik bawi a thimi Kyaw Tu Win ruak cu July 20, chunhnu ah a chungkhar nih ruak khanghnak an ngeih, tiah theih a si.Tanintharyi ramthen, Palaw peng Paut Kone ah rallam a sialmi SAC ralkap hna cu July 19 zinglei suimilam 7:00 hrawng ah tualchung hriamtlai phu nih bomb an puahhnawh hna caah SAC ralkap 5 an thi, tiah Myait pengkomh PDF battalion 1 sin in theih a si.