Sianginn pawl cu him tein a um a herh mi a si i hngakchia pawl cu zeitik hmanh ah doh ding an si lo tiah a thanh.

Sagaing ramthen, Tabayin peng, Latyatkone khua phungki ca chimhnak cu September 16 ah ralkap nih van in a kah caah a tlawmbik hngakchia 11 an thi tiah UNICEF nih a thanh.

 

 

Kah a tongmi sianginn in siahngakchia a tlawmbik 15 hrawng an tlau caah UNICEF nih hngakchia pawl him tein kan thlah piak than uh tiah nawlnak a tuah.

 

 

Sianginn pawl cu him tein a um a herh mi a si i hngakchia pawl cu zeitik hmanh ah doh ding an si lo tiah a thanh,NUG cozah zong nih September 18 ah an tlaihmi hngakchia pawl thlah ding in nawlnak a tuah i SAC thiltuahnak cung zong ah sual a phawt.

 

Chin ramkulh, Falam khua ah Covid-19 i runvennak khawhnak ding caah, nizaan September 19 chun sml 1 hrawngah, General Administration, meeting room ah meeting an tuah tiah theih a si.

 

 

Pengkomh chairman U Saw Htun Win nih hramthok bia a chim dih in, pengkomh uktu chang Duh-Bu-Hmu Win Zaw Latt, Palik bawi,(secretary)Moe Naing hna nih, covid-19 zawtnak kong le hi zawtnak hi zeitindah kan i runven awk a herh timi kong ah bia chimnak an ngei tiah theih a si.

 

Cu hnu ah, Falam Hospital uktu Dr. Tuan Cung Thang nih Covid-19 i thlopbulnak kong ah an cawlcangh ning kong a chim dih in, Township Administration chairman U kyaw Kaung nih covid-19 i runvennak caah rian a tuantu hna he i bawm cio dingin le tuanchuah rih dingmi kong ah i ceihhmai thannak ding kong a chim ve tiah theih a si.

 

Cu hnu ah, meeting a kaimi hna nih, covid-19 zawtnak i runvennak ding caah, Sianginn le Biakinn ah, covid-19 zulhphung le dingrep vial te zulh dih dingin an ceih hnu ah, pengkomh chairman U Saw Htun Win nih donghnak bia cah a chim i an meeting cu an dihter tiah theih a si.Credit;The Chinland Post