Salai Ngoh Loi Nih Ram Caah A Nunnak A Pek

CDF-Daai ralkap Salai Ngoh Loi (Kum 20) nih 2022 May 2 ah ram le miphun ca ah a nunnak a pek. Crd – TCP. Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah.

NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si. A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum.

Kyauksae peng ah CDM cawlcanghnak a tuahtu Education department chungtel pakhat cu tlaih ding in an kawl i, an hmuh lo caah kum 4 le thla 9 tluk lawng a si mi ngakchia telh in a chungkhar minung 9 cu SAC ralkap nih an tlaih hna, tiah tualchung media sinin theih a si.

SAC ralkap nih a luancia April 30 ah Mandalay ramṭhen Kyauksae peng Indai khua ah a um mi CDM cawlcanghnak tuahtu U Wai Lwin Oo cu tlaih ding in an kawl i, an hmuh lo caah a chungkhar hna cu SAC ralkap nih an tlaih hna.

“U Wai Lwin Oo cu SAC ralkap nih tlaih ding in nawl an chuah i, a zaamnak a sau cang, amah cu CDM cawlcanghnak a tuahtu Education department rianṭuan a si. Tlaih ding in an kawl i, an hmuh lo caah a chungkhar ngakchia kum 4 fai telh in minung 9 an tlaih hna hi a si,” tiah tualchung mi nih an chim.

A luancia April 29, ah Kyauksae (ကျောက်ဆည်) peng khua helnak lampo toolgate pawng ah a ummi SAC ralkap ngeih mi sin-bi-lat-may(ဆင်မင်းဘိလပ်မြေ) sehzung rianṭuantu hna thlahlawh man sing 1,500 a phortu motor cu tualchung hriamtlai phu nih an phaisa le an motor an i kalpi, tiah SAC nih an thanh.

Cu thil cang mi ah cun Ko Wai Lwin Oo cu aa tel tiah puh a si caah SAC ralkap nih April 30, ah Kyauksae peng Indai khua a umnak inn ah an kawlnak hi a si i, amah an hmuh lo caah a nupi cu an rak tlaih. SAC ralkap hna nih May 1, zinglei suimilam 3:00 ah Ko Wai Lwin Oo inn cu luhhnawh in a chungkhat minung 7 cu an tlaih ṭhan hna.

Cun, nihin May 2 chunhnu suimilam 1:00 ah kum 4 le thla 9 tluk lawng si mi Ko Wai Lwin Oo fanu zong SAC ralkap nih an tlaih chih tiah theih a si. Atu hi SAC ralkap hna nih an tlaih mi Ko Wai Lwin Oo chungkhar hna cu pehtlaihnak tuah khawh an si lo caah kan thin a phang tuk, tiah chungkhar he naihniam in um mi hna nih an chim.