Sagaing Ramthen Chaung U Ah Bomb Puahnak In SAC Ralkap 22 An Thi

Sagaing Ramthen Chaung U Ah Bomb Puahnak In SAC Ralkap 22 An Thi!: Sagaing ramthen Northwest Headquarters in Myinmu lei ah kal mi SAC ralkap mawtaw hna cu Chaung U peng, Nga Yankhua nichuah lei an phak ah tualchung PDF nih bomb an puahhnawh hna i SAC ralkap 22 an thih lengah hliam tuar zong an um, tiah theih a si.

Cu bomb puahnak cu nizaan zing Sml 11 hrawng ah Farmer Revolution Force (Chaung U) le Myaung Revolution Army battallion 5 i bawm in an tuah mi a si, tiah FRF CHU in tuanvo ngeitu nih a chim.“SAC ralkap hna cu an camp in mawtaw 22 he an ra i Chaung U certual ah mi an i thleng. Cu mawtaw 16 in ralkap 50 hrawng cu an ra i bomb lung 2 in kan puah hna,” tiah FRF CHU in tuanvo ngeitu

pakhat nih a chim. SAC ralkap lei nih hriamngan in ruahdamh in an kah ve hna, tiah theih a si.Bomb a puah mi mawtaw cu a rawk i, a thi mi ralkap ruak hna cu an hawile nih an kalpi hna, tiah theih a si. SAC ralkap bomb an puah an tonnak cu Monywa-Mandalay highway ah a si i SAC ralkap nih ralkap thazaang chapnak lam ah an hman bik mi lam a si, tiah theih a si.