SAC ralkap Nih Minung 7 An Thah Hna I, Zeimawzat An Tlaih Hna

SAC ralkap nih Sagaing ramṭhen, YeOo peng nichuahlei Mintaipin (မင်းတိုင်ပင်) khua mi 7 cu an thah hna. Nizaan May 11, chunhnu suimilam 3 luan hrawng ah Phung-ki 2 telh in minung 15 cu ralphaw caah an tlaih hna, tiah theih a si. SAC ralkap hna cu Sizun(ဆီဇုန်) in Mintaipin (မင်းတိုင်ပင်) khua ah an lut i, khua mi 7 an thah hna.

Cun, phung-ki 2 cu thilthuam sawh hrukter in khua mi 13 he ralphaw ah an kalpi hna. PungnaGah(ပုန်းနဂ) khua phak hlan ah minung 3 cu an thlah than hna nain, 12 cu an kalpi rih hna,” tiah tualchung mi nih an chim. A luancia May 6 ah YeOo peng Hnawkung (နှောကုန်း) khua ah a lut mi SAC ralkap nih inn 6 cu an khangh i, kum 20 luan tluk si mi nu pakhat zong an thah, tiah tualchung mi nih an chim. Credit – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum

Northwest Military Headquarters in Helicopter pakhat nih zanlei sml 2:45 ah a bawmh hna. An hawile bawmh dingah a rami SAC ralkap mawṭaw cu MRDA le Tazohkan bacian(တဇောက်ကန်းဘဂျမ်း) phu nih bomb kan puahhnawh hna i mawṭaw pakhat cu a rawk dih cikcek. Pathum cu an rawk ngai, tiah MRDA nih an thanh.

Camp an kah lioah Northwest Military Headquarters in Helicopter pakhat nih a voi hnihnak a bawmh ṭhan hna. Ruah a sur caah khua a fiang ti lo i, MRDA ṭangrual phu hna cu hnu an kir, Anmah lei in ralkap pakhat a nunnak liam ve, tiah theih a si. May 11 zan sml 6:00 hrawng ah Monywa in a rak chuakmi SAC ralkap mawṭaw cu, Layngauh Taung(လည်ငေါက်တောင်) khua ah MRDA nih bomb kan puahhnawh ṭhan i mawṭaw pakhat cu a rawk dih, tiah MRDA nih an langhter.

Thawngpang Dang: Myanmar Ram Pumpi Nikhat Chung Kahdohnak Ah SAC Ralkap 18 An Thi.Myanmar ram pumpi huap May 11 nikhat chung kahdohnak ah SAC ralkap 18 an thi i PDF 2 an nunnak a liam ve tiah Khit Thit Media nih a langhter.

Khit Thit Media nih cazin a khawmhsuat ning ah SAC ralkap a thi mi hna cu , Magwe ramtthen, YeeSakyo ah 1, Mon ramkulh Tatone ah 6, KyeihHto ah 3, Shan ramkulh Kuatkhan ah 4 ,Sagaing ramtthen KhinOo ah 3 le Tanintharry ramtthen Dawei ah 1tiin an dihlak 18 an thi i Karen ramkulh Kyainn Saihgyi ah PDF 2 an nunnak liam ve.