SAC Ralkap Nih Hriamngan In An Kah

Sagaing ramṭhen, Ayadaw peng Shiohkha(ကရှောက်ခါး) khua cu SAC ralkap nih April 7 zinglei ah hriamngan in an kah i, khua mi Ko Shwe Tin (ကိုရွှေသင်း) kum 25 cu kuan nih an khen caah a nunnak a liam. SAC ralkap hna nih cun inn 67 zong an khangh, tiah Ayadaw peng thawngzamhnak nih an thanh. Inn 67 khangh an si lengah khua mi hna tisik anhnah le facang chiahnak bukbau, inn zuat saṭil, cycle, tidawpnak seh, lei thuannak seh le thilri dangdang zong an khangh dih, tiah theih a si.

SAC ralkap nih khua mi cheukhat cu an tlaih hna i ralphaw ah an hman fawn hna, tiah Ayadaw thawngzamhnak nih an thanh. Shiohkha khua a khangtu SAC ralkap hna cu nihin April 8 zing Sml 6 ah Snake Eyes-PDF nih drone in bomb an thlak hnawh hna, tiah SNAKE EYES-PDF in rianngetu pakhat nih a chim.

SAC ralkap pawl cu inn an khangh lio ah drone bomb lung 8 in kan doh hna i SAC ralkap 7 an thih lengah midang 15 hliam an tuar,” tiah SNAKE EYES-PDF nih in rianngeitu nih a chim. Shiohkha khua i SAC nih voi 3 an khanghnak a si cang i, khua a khangtu SAC ralkap pawl hi minung thazaang 100 hrawng  an si, tiah theih a si.

April Zarhkhatnak Kayinni Ramkulh Kahdohnak Ah SAC Ralkap 15 Hrawng An Thi : Kayinni ramkulh chung April 1 in 7 tiang SAC ralkap le KNDF/KA ṭangṭi kahdohnak cu nifatin ngawt in a chuak i, cu kahdohnak ah cun SAC ralkap lei in minung 15 hrawng an thi i, KNDF in minung pakhat a nunnak a liam ve, tiah theih a si.

SAC ralkap lei nih kahdohnak chung ah hriamngan an hman tuk caah khua mi 7 nih hliamhma an tuar i, minung 2 an nunnak a liam, tiah theih a si. SAC ralkap hna nih cun Demoso peng le Phrusu pengchung ah inn 35 meikhangh in an hrawh i, inn 9 cu hriamngan kahnak ruangah an rawk, tiah theih a si. Crd – TFT

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum