SAC ralkap nih helicopter in minung thazaang 200 hrawng an chap leng ah SAC ralkap hna cu civil mi lemcang in

Sagaing ramthen, Yinmarbin le Kani peng, August 19 in August 30 tiang kahdohnak ah SAC ralkap 40 nak tlawmlo an thi, tiah Triple Tow Task phu in tuanvo ngeitu Ko Nay Kyi nih a chim.

 

 

Ni 12 chung kahdohnak cu Yinpaungtaing(ရင်ပေါင်တိုင်) khua kahdohnak in aa thawk i, SAC ralkap nih helicopter in minung thazaang 200 hrawng an chap leng ah SAC ralkap hna cu civil mi lemcang in kahdohnak ah an i tel caah tualchung hriamtlai PDF chungtel 5 an nunnak a liam, tiah theih a si.

 

Yinpaungtaing (ရင်ပေါင်တိုင်), Tikune(သီးကုန်), Winkune(ဝင်းကုန်း), Yingandaw(သင်္ဃန်းတော) khua le Yakyi-Kalaywah lampi pawng kahdohnak hna cu an fak ngai i, Winkune (ဝင်းကုန်း) khua pawng a cangmi kahdohnak ah SAC ralkap 30 nak tlawm lo an thi, tiah theih a si.

 

“Kaphnih kar kahdohnak cu August 19 in thawk a si i, ni 12 chung an rau. Cu kahdohnak ah cun SAC ralkap 40 hrawng an thi i, PDF lei in ralkap 5 an nunnak a liam. Ni 12 chung kahdohnak ah SAC ralkap a thi mi an tam biknak cu Winkune (ဝင်းကုန်း) khua kahdohnak ah a si i, minung 30 hrawng an thi,” tiah Triple Tow Task Force in tuanvo ngeitu Ko Nay Kyi nih a chim.

Yinmarbin peng, Winkune (ဝင်းကုန်း) khua kahdohnak ah cun KIA nih an bawmh hna i, ni 12 chung a cangmi kahdohnak ah SAC ralkap nih raltuknak vanlawng zong an hman, tiah theih a si. SAC ralkap hna cu Triple Tow Task Force, Monywa special force,

Chindwin Ganungyaza(ချင်းတွင်းဂဠုန်ရာဇာ), Yoemah Fighter, Yinmarbin Local PDF, Dragon Brothers Task Force, Yinmarbin pengkomh battalion 1, Monywa Truth of Force phufonh nih an kah hna, tiah theih a si.

Sagaing Ramthen, Myinmu Peng Ah SAC Ralkap Motor 11 Cu PDF Nih Bomb An Puah Hna I Ralkap 12 An Thi!: Sagaing ramthen, Nyinmu peng ah nihin September 9, chun suimilam 12:16 ah SAC ralkap motor 11 cu PDF nih voi 2 bomb an puahhnawh hna caah SAC ralkap 12 an thi, tiah theih a si.

“Monywa in a chuakmi SAC ralkap hna cu a voikhatnak ah Htisaung(ထီးဆောင်း) le Ganpia(ကံပြား) kar ah pa-de-ta bomb lung 9 kan puahhnawh hna. Cun, Nabekyu(နဘဲကြူး) le Pyawt(ပျော့) khua kar ah a voihnihnak pa-de-ta bomb lung 5 puahhnawh kan puah than hna. Voihnih tiang bomb kan puahnak ah SAC ralkap 12 an thi i, a thimi SAC ralkap ruak cu Myinmu lei ah an kalpi hna,” tiah Zero pah-kah-phah in tuanvo ngeitu Ko That Kyi nih a chim.Credit;The Chin Post

 

SAC nih Facebook le Youtube cu hrawh i an aiawhtu ding Media dang ser an i timhmi cu an hlawhtling lo tiah theih a si. SAC nih cun Facebook aiawhtu ah SAC he naihniam in a ummi Myanmar thiamsang hna nih an sermi Soical Network Okay Par hman ding le Youtube aiawh ah Mtube hman dingin an i zuam tiah theih a si.

SAC nih nawlngeihnak an lak hnuin thawngthanhnak ah an hmanmi MRTV le MWD cu Youtube, Facebook le Social Media dang nih an phih piak hna caah SAC nih an tlaih (controlled) khawhmi media platform hman dingin an i zuam hi a si.

SAC nih Facebook aiawh ah hman an timhmi cu Okay Par a si tiah anmah he aa naihniammi hna nih an chim. SAC Cozah i Ministry of Information ah upa pakhat a simi U Myo Myint Maung nih thawngpang kan thanhmi le tialmi pawl cu Social Media in hlonh piak kan ton lengmang caah atu bantukin Meida Platform thar ser kan timhnak a si tiah a chim.

SAC nih Youtube aiawh in hman an timhmi cu Mtube a si i hi Mtube Live Streaming Platform serchuahnak ah tuanvo a latu cu United Info-Sec company a si tiah theih a si.

Asinain Myanmar ah IT lei thiamsang le company tha an um lo caah SAC nih Facebook le Youtube hrawh i Social Media dang ser an i timhmi cu an hlawhtling lai lo tiah zumh a si. An ser khawh hmanh ah Facebook le Youtube bantukin mitampi nih hman dingah an tuah kho lai lo tiah Rangoon i IT lei thiamsang mino pakhat nih a chim.