SAC Ralkap Nih Haimual Khua An Khangh Hnu Ah Tualchung Mino 2 An Tlaih Hna!

SAC Ralkap Nih Haimual Khua An Khangh Hnu Ah Tualchung Mino 2 An Tlaih Hna!Nizaan August 14, zaanlei suimilam 4:30 hrawng ah Tedim peng Haimual khuathar cu SAC ralkap nih an khangh.”Haimual khuathar a khangtu hna hi Kalay in a rak tlung tharmi SAC ralkap an si,

 

inn an khangh hnu ah, Haimual khuami unau 2 tlaih an tong. A u hi nu kum-18 hrawng a si i, a naupa hi kum 15 hrawng a si. SAC ralkap nih bia hal ding kan in ngeih hna an ti caah an tlaih hna” tiah khuami pakhat nih The Chin Post ah a chim,Nihin August 15, chun suimilam 12:00 hrawng ah SAC ralkap 15 hrawng cu tio khuachung ah i chawk in ngiatthlainak an tuah, tiah a chim chap.

 

Thawngpangdang,UN High Commissioner for Human Rights Michelle Bachelet cu nizan August 14 ah Bangladesh a phan, tiah theih a si. Myanmar Ralkap nih Rakhine ramkulh ah Rohingya miphun cung ah namnehnak le miphun cihmihnak an tuahmi ruang ah 2017 khan Rohingya miphun pawl cu Bangladesh ram ah ah an rak zaam hna.

Bangladesh ram ah an zaamnak caan kum 5 a tling cangmi Rohingya ralzaam hna cu, nihin ni tiang an nunhimnak ding kong ah harsaknak an ton caah an umnak hmun kirnak kong ah harsatnak an tong,UN High Commissioner for Human Rights Michelle Bachelet nih cun Bangladesh a um chung ah Prime Minister le Nuhrin covo lei riantuantu hna he zong tonnak an ngei lai tiah, theih a si.

Bangladesh ram ah Phunghram he a kalhmi tuahsernak, mithah lainawnnak, Tlaihhremnak, le nuhrin covo buarnak hna cu tuah hrimhrim ti lo ding in Michelle Bachelet le Nuhrin covo lei rianáš­uantu Phu 9 nih Bangladesh cozah cu an rak nawl,Nuhrin covo buarnak ruang ah Bangladesh Special Police le Police Bawizik telh in humhimnak lei lutlai 7 cu a luancia December thla ah khan US nih phihkharnak a rak tuah hna.
Credit;The Chin Post