SAC ralkap mi checktu phu hna cu Drone in bomb kan thlakhnawh hna caah SAC ralkap 4 an thi

Sagaing ramțhen, Myinmu khualuh Monyua- Mandalay lampi cungah SAC ralkap mi checktu phu hna cu Drone in bomb kan thlakhnawh hna caah SAC ralkap 4 an thi tiah GTR MMU phu nih cathanh an chuah.Nizan July 24 chun Sml 12:30 hrawngah Myinmu khuapi hrialnak lam le Monyua – Mandalay lampi cungah a tlungkal mi mipi hna chek i phaisa a haltu SAC ralkap hna cu Drone in bomb lung 4 kan thlak hna tiah cathanh chungah an langhter.

SAC ralkap 4 an thi i hliam a tuarmi zong an um . SAC ralkap hna cu an lautuk i an duhnak paoh na kah hrawk caah tualchung mi pakhat a phei ah meithal kuan nih a hliamh tiah GTR MMU nih an langhter.

SAC Ralkap Methal A Lak Piak I A Zaam Mi Hakha Mino Pakhat I A Nu Le A Pa Inn An Phihkhar Piak HnaHakha ah ralveng mi SAC ralkap hna cu zu a dangh hna i an meithal lak piaktu Hakha Dawrthar sanh um cu Mino pakhat i an inn cu SAC ralkap nih July 23 ah an phihkhar/ hrenh piak hna tiah theih a si.

 

” Cu an phihkhar piakmi inn cu inn ngeitu n um lonak sau cang. SAC ralkap nih nawlngeihnak an lak hnu mizapi vengtu ralkap hriamtlai an dirh kaa te ah mino te a si mi nih SAC ralkap hna cu zu a dangh hna i meithal pakhat a zaampi. Cu thok in an chungkhar ning in SAC ralkap nih an kawl hna ” tiah a chim.Cu Mino pakhat le a chungkhar hna cu 2021 thok in khan a himnak hmun ah an zaam cang tiah theih a si.
Credit; The Chin Post