SAC Ralkap Le PDF-Kalay Ni 3 Chung Kahdohnak  Ah Ralakp 10 Leng An Thi

Kalay peng ah SAC ralkap le PDF-Kalay cu ni 3 chung an i kap i SAC ralkap 10 leng an thih lengah hliam tuar zong an tam, tiah theih a si. Kahdohnak cu hmunthum ah a chuak, tiah PDF-Kalay nih nizaan April 25)ah an thanh. Kalay peng Nat Chaung khua in Kalay peng thlanglei khua hna ah rallam a sial mi SAC ralkap hna cu nizaan April 25 zing Sml 10 hrawng ah.

PDF-Kalay phufonh nih an kah hna i zaanlei Sml 3 zong ah kahdohnak a faak rih, tiah theih a si. Nat Chaung(နတ်ချောင်း) khua in Aung ChanThar(အောင်ချမ်းသာ) khua lei ah mawṭaw pakhat le cycle 15 he rallam a sial mi SAC ralkap hna cu nizaan April 25 chun Sml 1 ah Pan Mun Chaung(ပန်းမွန်ချောင်း) hlei ah bomb puah hnawh an si i, a thi mi an tam, tiah theih a si.

Cu hna cu zaanlei Sml 3 tluk ah Chaungywa (ချောင်းခွ) le Aung Chan Thar khua kar ah bomb puah hnawh an si ṭhan i an mawṭaw pakhat a rawk. SAC ralkap hna nih Nat Chung le Chaungywa khua inn zeimawzat zong an khangh, tiah theih a si. Kalay in Kalay peng thlanglei ah rallam a samh mi SAC rallap 150 tluk le mawṭaw 6 cu PDF-Kalay nih April 24 ah khan bomb an puah hnawh hna i SAC ralkap 5 an rak thi, tiah theih a si. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum